480 нэһилиэнньэлээх 3-с Мэлдьэхси нэһилиэгэр улуус баһылыга Дмитрий Тихонов мустубут 63 олохтоох иннигэр сүрүн хайысхаларынан үлэ отчуотун туруорда.

480 нэһилиэнньэлээх 3-с Мэлдьэхси нэһилиэгэр улуус баһылыга Дмитрий Тихонов мустубут 63 олохтоох иннигэр сүрүн хайысхаларынан үлэ отчуотун туруорда.

Отчуоттуур бөлөххө улууспутуттан Ил Түмэн дьокутаата Захар Никитин уонна нэһилиэк дьокутаата Ян Новиков эбилиннилэр.

Олохтоохтор уот линиятын остуолбаларын уларытыыны, үүт туттарыытыгар сайыҥҥы өттүгэр охладитель ирдэнэрин, нэһилиэктэринэн кэпэрээссийэлэри тэрийэн олохтоох тыа хаһаайыстыбатын бүддьүөтүн арыйтарары, тыа хаһаайыстыбатын боломуочуйатын бэрдэриини туруорустулар.

⁃ Сааһыгар дылы оҕолорго тоҕо биллибэт мааркалаах үүтү биэрэллэрин,

⁃ анал байыаннай дьайыыга сылдьар уолаттар төрөппүттэригэр бэриллэр дастабырыанньа болдьоҕун уһаттарыыны,

⁃ түргэнник ситэр салааҕа анал бырагырааманы,

⁃ котельнай ресурсатын,

⁃ төбөҕө субсидия кэлэр бэрээдэгин,

⁃ анал байыаннай дьайыыттан бааһыран кэлбит уолаттары иккистээн ыыппат гына туох үлэ ыытылларын,

- «Экосистемы Якутии» тэрилтэҕэ төлөнөр үп сууматын, бу маны ким хонтуруоллаһарын,

- Чыамайыкыга алмаас булуллуутунан айылҕабытын харыстааһыҥҥа туох үлэ барарын,

- анал байыаннай дьайыы кыттыылаахтарын дьиэ кэргэттэригэр хомунаалынай өҥө төлөбүрүгэр туох көмө баарын

туоһуластылар.

Оскуола дириэктэрэ нэһилиэккэ сүүрэр соҕотох фекалка турар гарааһын сылытыыта хааччыллара,

улуус бүддьүөтүттэн оскуола муостатын ититиитигэр көмө буоларгыт буоллар диэн этиилэрин киллэрдэ.

Нэһилиэк баһылыга Мирон Свинобоев улуус өттүттэн өйөбүл, үлэ күүскэ барарын бэлиэтээн туран

нэһилиэнньэ үгүс өттө оттуур-мастыыр Өргөннөөх сайылыкка киириигэ хомо сүнньэ уларыйан, кумах сиҥнэн суол алдьаныыта тахсарын, онон урукку суолу чөлүгэр түһэриигэ погрузчигынан көмө буоларгыт буоллар,

оскуолабыт, уһуйааммыт туруктарын өйүүргэ табыгастаах усулуобуйа тэрийэргэ өрөмүөҥҥэ күүс-көмө буолун диэн эттэ.

Мэҥэ Хаҥалас улууһун дьаһалтатын пресс-сулууспата