Сайыҥҥы күннэргэ дьон-сэргэ, оҕо-аймах бары сөтүө, айылҕаҕа тахсан балыктааһын үтүөтүн билээри уу кытылыгар дьулуһаллар

Сайыҥҥы күннэргэ дьон-сэргэ, оҕо-аймах бары сөтүө, айылҕаҕа тахсан балыктааһын үтүөтүн билээри уу кытылыгар дьулуһаллар.

Ууга былдьаныы курдук хомолтолоох быһылааннар тахсыбаттарын туһугар ГИМС иниспиэктэрдэрэ ууга сэрэхтээх буолуу ирдэбиллэрин толорууну тутуһарга ыҥыраллар, бэйэлэрин сүбэлэрин биэрэллэр:

- Сөтүөҕэ анамматах, көҥүллэммэтэх сирдэргэ сөтүөлээмэҥ;
- Билбэт уугутугар умсумаҥ;
- Хааччахтаммыт кыраныыссаны бэлиэтиир буйкалар анараа өттүлэригэр барымаҥ;
- Ууга билбэт сиргититтэн, ыстанарга анамматах үрдэллэртэн ыстанымаҥ;
- Төрөппүттэр кыра саастаах оҕолоргутун ууга көрүүтэ-истиитэ суох ыытан кэбиһимэҥ, хараххыт далыттан сүтэримэҥ;
- Ууга устар көлөлөргө (мотуордаах, баарыстаах, эрдиилээх тыыларга уо.д.а) чугаһаамаҥ;
- Балыктыы, сынньана барааччылар луоккаларынан сылдьыыга сэрэниҥ;
- Анал салгыннаах сэлиэччигинэн хааччыныҥ;
- Уу кэлэр кэмигэр балыктыыры ууратыҥ;
- Күн-дьыл хаамыытын эрдэттэн көрөҥҥүт тахсыҥ;
- Ууга устар көлөлөргө арыгы иһэн баран олорумаҥ;
- Итирдэр утахтары иһимэҥ, ууга итирик кииримэҥ;
- Ууга умсууну уонна сөтүөлээччини тутан ылыыны кытта сибээстээх оонньуулары оонньоомоҥ;
- Мэниктээн, ууга түһэн эрэрдии сымыйа түрүлүөнү таһааран хаһыытаамаҥ;
- Ол-бу хаптаһыннарга, бэрэбинэлэргэ, массыына хаамыраларыгар, үрүллүбүт матараастарга сытан устумаҥ;
- Халлаан ардыы турдаҕына, тымныы, этиҥнээх, чаҕылҕаннаах күннэргэ сөтүөлүүр букатын көҥүллэммэт.

Ытыктабыллаах улууспут олохтоохторо!

Кылгас сайыммытын астына-дуоһуйа толору туһанан, ууга сылдьыы быраабылаларын, сэрэхтээх буолуу ирдэбиллэрин тутуһан үтүө өйдөбүллэри хаалларыаҕыҥ, этэҥҥэ буолуоҕуҥ!

Мэҥэ Хаҥалас улууһун дьаһалтатын пресс-сулууспата