От ыйын 14 чыыһылата, бастакы үлэм күнэ. Буһан-хатан, тиийиэхтээх аадырыспын буллум.

От ыйын 14 чыыһылата, бастакы үлэм күнэ. Буһан-хатан, тиийиэхтээх аадырыспын буллум.

Таһыттан көрдөххө - икки этээстээх, киэҥ-куоҥ тэлгэһэлээх дьиэ. Олбуорга киириигэ күөх хойуу оттоох арка нөҥүө аастым, онтон киһи хара5а эрэ үөрүөх элбэх да элбэх сибэкки, о5уруот аһа, үүнээйи, мас арааһа. Бу барыта 77-с хаарын санныгар түһэрбит Куприянова Надежда Иннокентьевна сылаас илиитинэн бигээн олордубут үүнээйилэрэ.

Бэйэтэ 10 о5олоох Майа олохтоохторо Клавдия, Иннокентий Сергучевтар улахан кыыстара буолар эбит. Кыра эрдэ5иттэн үлэ5э мускуллан улааппыт буолан, биэс да мүнүүтэ дьарыга суох олорбот. Бэйэтэ идэтинэн фармацевт үөрэхтээх, 4 уол о5олоох, үгүс элбэх сиэн, хос сиэн тапталлаах эбээтэ. Сүрэ5ин аҥарын кытта Роман Герасимовичтыын 49 сыл бииргэ иллээхтик-эйэлээхтик олорбуттар, уолаттарын көрөн-харайан улаатыннарбыттар, үөрэхтээх, үлэһит дьон онортообуттар. 2017 сыллаахха огдообо хаалан, билигин со5отох олорор. Надежда Иннокентьевна сөбүлүүр дьарыга элбэх: баайар, иистэнэр, түүлээ5и да тигэр, ону таһынан оҕуруонан арааһы бары оҥорор.

Миигин сөхтөрбүтэ диэн - куйаар ситимиттэн араас мастер-класстары ылан үөрэнэр. Бу сайын ротангаттан кашпо баайа үөрэннэ. Эриэккэс, кэрэ кашполары номнуо баайан кийиитигэр бэлэх уунна, эбиитин хаһы да атыылаата. Аны Надежда Иннокентьевна доруобуйатынан төһө да хааччахтаах буоллар, киһи сөҕүөх скутерынан сылдьар. Бу баар эбээт күүстээх санаа, туохтан да толлубакка иннин диэки талаһыы! Элбэх эдэр дьоҥҥо холобур буолуон сөп. Эһиил 2026 сылга уруулга олорбута 60 сыла буолар.

Ба5арыам этэ Надежда Иннокентьевна5а кытаанах доруобуйаны, уһун дьоллоох оло5у, харса суох иннин диэки талаһаргар.

Бала5ан ыйа, 2025 сыл, Майа сэл. Социальнай үлэһит Екатерина Захарова