Бүгүн үлэ бэтэрээнэ, сэрии сылларын оҕото, Төҥүлү нэһилиэгин олохтооҕо Анна Павловна Стручкова үбүлүөйдээх 90 сааһын туолбутунан, Мэҥэ Хаҥалас улууһун үтүө үлэһит...

Бүгүн үлэ бэтэрээнэ, сэрии сылларын оҕото, Төҥүлү нэһилиэгин олохтооҕо Анна Павловна Стручкова үбүлүөйдээх 90 сааһын туолбутунан, Мэҥэ Хаҥалас улууһун үтүө үлэһит дьонун-сэргэтин, тус бэйэм ааппыттан итиитик-истиҥник эҕэрдэлиибин!

Анна Павловна 1935 сыллаахха Дьабыыл нэһилиэгэр күн сирин көрбүтэ. Оҕо эрдэҕиттэн төрөппүттэрин кытары колхуоска, улаатан баран Максим Горькай аатынан сопхуоска ыанньыксытынан, онтон 1979 сылтан оҕо уһуйааныгар сүрүн поварынан өр кэмҥэ үлэлээбит.

Кини сааһын тухары үлэни өрө тутан, төрөөбүт дойдутун, тыа сирэ сайдыытыгар үтүө суобастаахтык үлэлээн-хамсаан, билигин бочуоттаах сынньалаҥҥа олорон дьиэ ис-тас үлэтигэр оҕолоругар күүс-көмө буолар.

Кэргэнинээн Егор Анисимовичтыын уон оҕолонон уһун, дьоллоох дьиэ кэргэн олоҕун олорбуттара. Анна Павловна иһирэх ийэ, биэс сиэн, хос сиэн тапталлаах эбэтэ.

Ытыктабыллаах Анна Павловна!
Өр сылларга сыралаах үлэн иһин махтанан туран, этэҥҥэ буолууну, ыччаттарыҥ, аймах-билэ чугас дьонуҥ тапталларынан, махталларынан арыаллатан өссө да уһун үйэлэн диэн алгыспын аныыбын!