Убаастабыллаах биир дойдулаахтарым!

Убаастабыллаах биир дойдулаахтарым!

Дойдубут былааҕын күнүнэн
Киэн тутта күөрэччи тутуоҕуҥ!
Былаахпыт анныгар мустуоҕуҥ
Бары биир санаанан тыыныаҕыҥ!

Ис сүрэхпиттэн эһигини тапталлаах Сахабыт сирин Судаарыстыбаннай былааҕын күнүнэн эҕэрдэлиибин! Бу күн, 33 сыл анараа өттүгэр, былаах Саха Өрөспүүбүлүкэтин Үрдүкү Сэбиэтин дьиэтин үрдүгэр Арассыыйа Федерациятын былааҕын кытта сэргэстэһэ күөрэйбитэ.

Өрөспүүбүлүкэ былааҕа биһиги элбэх омуктаах норуоппут сомоҕотун, айылҕа баайын уонна хоту дойду кэрэтин бэлиэтиир.
Бу ураты суолталаах күн чэлгийэ сайдыы, этэҥҥэ буолуу уонна эйэлээх олох бэлиэтэ буоллун!

Эһиэхэ кытаанах доруобуйаны, дьолу, бары саҕалыыр дьыалаҕытыгар ситиһиилэри уонна баҕа санааҕыт туоларын баҕарабын!

Күөх халлаан күөнүгэр үрүҥ күн
Санаабыт сырдыгын туоһулуур!
Бу саха дойдутун былааҕар
Барыбыт сүрэхпит сорҕото!

Иннокентий Андросов, улуус дьокутааттарын Сэбиэтин бэрэссэдээтэлэ