Бүгүн тыыл, үлэ бэтэрээнэ, сэрии сылын оҕото, Хаптаҕай нэһилиэгин Бочуоттаах олохтооҕо Алексеева Татьяна Филипповна үбүлүөйдээх 90 сааһын туолбутунан Мэҥэ Хаҥалас...

Бүгүн тыыл, үлэ бэтэрээнэ, сэрии сылын оҕото, Хаптаҕай нэһилиэгин Бочуоттаах олохтооҕо Алексеева Татьяна Филипповна үбүлүөйдээх 90 сааһын туолбутунан Мэҥэ Хаҥалас улууһун үтүө үлэһит дьонун-сэргэтин уонна тус бэйэм ааппыттан итиитик-истиҥник эҕэрдэлиибин!

Татьяна Филипповна 1935 сыллаахха Хаптаҕай нэһилиэгэр күн сирин көрбүтэ. Кыра сааһыттан колхуос, сопхуос араас үлэтигэр барытыгар улахан дьону кытта тэҥҥэ, толлубакка үлэлээбит, Кыайыыны уһансыбыт үтүө киһибитинэн буолар.

Татьяна Филипповна икки оҕо күн-күбэй ийэтэ, билигин үс сиэн, икки хос сиэн тапталлаах эбэтэ.

Сааһын тухары үлэни өрө тутан, тыа хаһаайыстыбата сайдыытыгар үтүө суобастаахтык үлэлээн-хамсаан биир дойдулаахтарын махталларын, ытыктабылларын ылыан ылар.

Ытыктабыллаах Татьяна Филипповна! Сыралаах, таһаарыылаах үлэҕэр истиҥник махтанан туран, дьолу-соргуну, өрүү чэбдик сылдьаргар, инникитин даҕаны кэнчээри ыччаккар үүннээх-тэһииннээх үтүө тылгын иһитиннэрэ, сүбэ-ама буола тураргар баҕарабын! Тус бэйэҕэр уонна чугас дьоҥҥор чэгиэн туругу, этэҥҥэ буолууну, эйэлээх халлааны, бары үтүөнү!