Если Вы стали свидетелем аварии, пожара, необычного погодного явления, провала дороги или прорыва теплотрассы, сообщите об этом в ленте народных новостей. Загружайте фотографии через специальную форму.
Рекламный баннер 990x90px header-top
Рекламный баннер 728x90px center-top
2026 сыллааҕы олохтоох көҕүлээһини өйүүр бырагыраама чэрчитинэн саҥа бырайыактары талыы үлэтэ саҕаланна
Бу күннэргэ улууспут бары нэһилиэктэригэр 2026 сыллааҕы олохтоох көҕүлээһини өйүүр бырагыраама чэрчитинэн саҥа бырайыактары талыы үлэтэ саҕаланна.
2018 сылтан ыла бу бырагыраама нөҥүө биһиги улууспутугар барыта 530 мөлүйүөн суумалаах 257 бырайыак олоххо киллэриллибитэ. Бу бырагыраама дьон олоҕун тупсарыыга, нэһилиэктэрбит сайдыыларыгар, баар кыһалҕаларын быһаарыыларыгар улахан өйөбүл, күүс-көмө буолар.
Быйыл 34 бырайыактан 2 улуус таһымнаах бырайыак олоххо киирдэ:
- Майа сэлиэнньэтигэр дьоҥҥо-сэргэҕэ кинигэҕэ тапталы үөскэтэн, ааҕыыны көҕүлээн "Билии-көрүү үтүөҕэ сирдээтин" искибиэр оҥоһуллан олоххо киирдэ. Аныгылыы "буккроссинг" ньыматынан ААХ диэн буукубаларынан анал кинигэ долбуурдара искибиэри тупсаҕай көстүүлээх оҥороллор.
- Оҕо-ыччат успуорт оскуолатын үөрэнээччилэригэр эттэрин-хааннарын успуорт бары көрүҥнэринэн толору дьарыктаналларыгар сөптөөх усулуобуйаны тэрийэн, чэпчэки атлетикаҕа, волейболга, футболга, остуол тиэниһигэр, буоксаҕа, буулдьанан ытыыга, хайыһарга, мас тардыһыыга, оҕунан ытыыга, дуобакка уонна саахымакка аналлаах саҥа тэриллэринэн хааччылыннылар.
Улууспут олохтоохторун барыгытын кэлэр сыллааҕы бырайыактары өйүүргүтүгэр, улууспут олоҕун таһыма үрдүүрүгэр, сайдыылаах, дьоһуннаах буоларыгар социальнай ситимнэринэн кэлэр куоластааһыннарга уонна ыытыллар мунньахтарга көхтөөхтүк кыттаргытыгар ыҥырабыт!
Мэҥэ Хаҥалас улууһун дьаһалтатын пресс-сулууспата
193
Рекламный баннер 728x90px center-bottom
Поделитесь новостями с жителями города
Рекламный баннер 200x200px sidebar-right
Рекламный баннер 200x200px sidebar-right
Полезные ресурсы
Разработка -
