Инбэлииттэр дэкээдэлэрин чэрчитинэн үгэскэ кубулуйбут төгүрүк остуол бүгүн ахсынньы 5 күнүгэр Майаҕа Дьол түһүлгэтэ общественнай кииҥҥэ буолан ааста.

Инбэлииттэр дэкээдэлэрин чэрчитинэн үгэскэ кубулуйбут төгүрүк остуол бүгүн ахсынньы 5 күнүгэр Майаҕа Дьол түһүлгэтэ общественнай кииҥҥэ буолан ааста.
Кыттыыны ыллылар, Гаврил Толстяков улуус баһылыгын бастакы солбуйааччыта, Светлана Егорова улуус прокурорун үрдүкү көмөлөһөөччүтэ, Вероника Матаннанова ПАО Сбербанк Майатааҕы филиалын салайааччыта, Айталина Винокурова Мин докумуоннарым государственнай уонна муниципальнай киин специалиһа, Марианна Сотникова Федеральнай налоговай сулууспа специалиһа, Зинаида Андреева улуустааҕы киин балыыһа бырааһа, Лена Винокурова Арассыыйатааҕы социальнай фонда улууска салаатын исписэлииһэ, Майя Никитина Бюро МСЭ-20 салайааччыта, Сахайаана Хомподоева үлэлээх буолуу кииниттэн, Иван Шестаков нэһилиэнньэ социальнай көмүскэллээх буолуутун киинин салайааччыта.
Төгүрүк остуолга кыттыыны барыта 48 киһи ылла.
Кэпсэтии бастакы чааһыгар Гаврил Николаевич киирии тылын кэннэ, аныгы олоххо көстөр угаайыктар тустарынан кэлбит дьонно сүрүн иһитиннэрии Мошенничество, хайдах бэйэбитин уонна чугас дьоммутун көмүскүүбүт диэн тиэмэлэргэ буолла. Сүрүн иһитиннэриилэр, сэрэтиилэр, сүбэлэр оноһулуннулар.
Иккис чааһыгар инбэлииттээх дьоҥҥо көрүллэр өйөбүллэргэ, налог өттүгэр уларыйыылар тустарынан буолла.
Ол кэннэ кэлбит дьон бэйэлэрин долгутар, интириэһиргэтэр боппуруостарын биэртэлээн толору хоруй ыллылар. Түмүгэр Лукина Мария Дмитриевна Түмэн общественнай холбоһук салайааччыта СВОҕа сылдьар уолаттарга инбэлииттэр уопсастыбалара, Майатааҕы поликлиника уонна бюро МСЭ коллективтара сүнкэн көмөнү оҥороллорун бэлиэтээн туран махталын биллэрдэ.