Если Вы стали свидетелем аварии, пожара, необычного погодного явления, провала дороги или прорыва теплотрассы, сообщите об этом в ленте народных новостей. Загружайте фотографии через специальную форму.
Рекламный баннер 990x90px header-top
Рекламный баннер 728x90px center-top
УЛУУСПУТ ТӨРҮТТЭММИТ КҮНҮНЭН БЭЛИЭ ТЭРЭЭҺИН
Олунньу 10 күнүгэр, улууспут төрүттэммитэ 96 сылын көрсө киэҥ хабааннаах тэрээһиннэр ыытылыннылар.
Ол курдук, сарсыардаттан Дьокуускай куоракка 1-кы Тыыллыма нэһилиэгэр Владимир Петрович Ларионов, Ходоро нэһилиэгэр Василий Васильевич Скрябин уонна Майа сэлиэнньэтигэр Иван Гаврильевич Тимофеев сырдык мөссүөннэрин үйэтитэр бүүстэригэр, кинилэр үтүө ааттарыгар сүгүрүйэн, оройуон сайдыытыгар киллэрбит үлүскэн үлэлэрин ахтан-санаан туран, тыыннаах сибэкки дьөрбөтүн уурдулар.
Күн иккис аҥарыгар Аллараа Бэстээх бөһүөлэгэр Парус успуорт уораҕайыгар хаһаайыстыбалаах кэпэрэтииптэр бородууксуйаларын, норуот маастардарын оҥоһуктарын быыстапка-дьаарбаҥката ыытылынна. Ону тэҥэ нэһилиэктэр бэйэлэрин билиһиннэриилэрин туруордулар. Тарбахтарыгар талааннаах, айылҕаттан айдарыылаах күндү дьоммут үлэлэрэ дьон-сэргэ сөҕүүтүн, биһирэбилин ылла.
2026 сыл Арассыыйаҕа норуоттар сомоҕолоһууларын, Саха Өрөспүүбүлүкэтигэр култуура, Мэҥэ Хаҥалас улууһугар тыа хаһаайыстыбатын 3 сылын түмүктүүр сыл буолар. Маны сэргэ, улууска олохтоох бэйэ оҥорон таһаарыытын сылларын чэрчитинэн Дойдубут бар дьонун кытары саргылаах сайдыыны саҕабыт диэн ааттаах Мэҥэ Хаҥалас улууһа төрүттэммитэ 96 сылынан улуус күнүн бэлиэтиир үөрүүлээх чаас ыытылынна.
Улуус баһылыга Дмитрий Тихонов, оройуон дьокутааттарын Сэбиэтин бэрэссэдээтэлэ Иннокентий Андросов, улуус баһылыгын бастакы солбуйааччы Гаврил Толстяков, улуус баһылыгын нэһилиэнньэ олоҕун-дьаһаҕын хааччыйыыга солбуйааччы Николай Никифоров, улуус баһылыгын инфраструктура уонна ОДьКХ боппуруостарыгар солбуйааччы Василий Филиппов, Ил Түмэн Судаарыстыбаннай мунньах Бэрэссэдээтэлин бастакы солбуйааччы Александр Жирков, Ил Түмэҥҥэ норуот дьокутаата Андрей Находкин, Саха Өрөспүүбүлүкэтин тыатын хаһаайыстыбатын миниистирин солбуйааччы Анна Стручкова, улуустааҕы тыа хаһаайыстыбатын салалтатын начаалынньыга Аркадий Лукин, судаарыстыбаннай, уопсастыбаннай диэйэтэл Люлия Григорьева уонна XX үйэ рекордсмен ыанньыксыта Павел Шарин ыраахтан-чугастан кэлбит биир дойдулаахтарбытын үөрүүлээх күнүнэн эҕэрдэлээн туран, бастыҥ дьоммутугар наҕараадалары туттардылар.
Мэҥэ Хаҥалас улууһа муниципальнай оройуон баһылыгын 2026 сыл олунньу 3 күнүнээҕи 265 нүөмэрдээх дьаһалынан, Оройуон дьокутааттарын Сэбиэтин 2026 сыл тохсунньу 30 күнүнээҕи РРС-23-5 нүөмэрдээх быһаарыытынан, оройуон сайдыытыгар сүҥкэн кылааттарын иһин Мэҥэ Ханалас улууһун Бочуоттаах олохтооҕо Бочуоттаах аат иҥэрилиннэ:
- Акимова Светлана Михайловнаҕа, Саха Өрөспүүбүлүкэтин култууратын туйгунугар, Мэҥэ Хаҥалас улууһун култууратын бочуоттаах үлэһитигэр, сыана бэтэрээнигэр, Баатара нэһилиэгэ тыа сирин түөлбэтин бочуоттаах олохтооҕор;
- Егоров Василий Михайловичка, Аан дойду, Европа уонна Арассыыйа чөмпүйүөнүгэр, 2015 сыллааҕы Аан дойду чөмпүйэнээтин үрүҥ көмүс призеругар, буоксаҕа Арассыыйа успуордун үтүөлээх маастарыгар, Саха Өрөспүүбүлүкэтин физическэй култууратын уонна успуордун үтүөлээх үлэһитигэр, Саха Өрөспүүбүлүкэтин Гражданскай килбиэн анал бэлиэтин хаһаайыныгар, Хара нэһилиэгэ тыа сирин түөлбэтин бочуоттаах олохтооҕор;
- Жирков Егор Никитичка, Саха АССР успуордун маастарыгар, РСФСР успуордун бэтэрээнигэр, Саха Өрөспүүбүлүкэтин Ытык кырдьаҕаһыгар, Төҥүлү нэһилиэгэ тыа сирин түөлбэтин бочуоттаах олохтооҕор;
- Кириллин Прокопий Прокопьевичка, Коммунистическай үлэ ударнига анал аат хаһаайыныгар, Арассыыйа үтүөлээх быыһааччытыгар, ССРС успуордун маастарын хандьыдаатыгар, Саха Өрөспүүбүлүкэтин Гражданскай килбиэн анал бэлиэтин хаһаайыныгар, 2-с Наахара нэһилиэгэ тыа сирин түөлбэтин бочуоттаах олохтооҕор;
- Назаров Николай Васильевичка, Арассыыйа Федерациятын норуотун үөрэҕириитин туйгунугар, Саха Өрөспүүбүлүкэтин үөрэҕириитин систиэмэтин бочуоттаах бэтэрээнигэр, Майа сэлиэнньэтэ тыа сирин түөлбэтин бочуоттаах олохтооҕор;
- Никанорова Нина Иннокентьевнаҕа, ССРС киноматографиятын туйгунугар, Саха Өрөспүүбүлүкэтин култууратын үтүөлээх үлэһитигэр, үлэ бэтэрээнигэр, Майа сэлиэнньэтэ тыа сирин түөлбэтин бочуоттаах олохтооҕор;
- Свинобоев Николай Никитичка, Коммунистическай үлэ ударнига анал аат хаһаайыныгар, сэрии оҕотугар, үлэ бэтэрээнигэр, 3-с Мэлдьэхси нэһилиэгэ тыа сирин түөлбэтин бочуоттаах олохтооҕор;
- Скрябина Фаина Илларионовнаҕа, РСФСР норуотун үөрэҕириитин туйгунугар, Мэҥэ Хаҥалас улууһун бочуоттаах мэссэнээтигэр, Ходоро нэһилиэгэ тыа сирин түөлбэтин бочуоттаах олохтооҕор.
Ону тэҥэ Мэҥэ Ханалас улууһун Бочуоттаах олохтооҕо Бочуоттаах аат иҥэрилиннэ:
- Апросимова Тамара Михайловнаҕа, Килбиэннээх үлэтин иһин мэтээл хаһаайыныгар, тыыл, үлэ бэтэрээнигэр, улуус прикладной ускуустубатын, Мэҥэ Хаҥалас улууһун норуотун маастарыгар, Моорук нэһилиэгэ тыа сирин түөлбэтин бочуоттаах олохтооҕор.
- Иванов Николай Васильевичка, Саха сирин тыатын хаһаайыстыбатын, тыыл уонна үлэ бэтэрээнигэр, Тараҕай нэһилиэгэ тыа сирин түөлбэтин бочуоттаах олохтооҕор.
Саха Өрөспүүбүлүкэтигэр тыа хаһаайыстыбата сайдыытыгар өҥөтүн, өр сыллаах үтүө суобастаах үлэтин иһин Саха Өрөспүүбүлүкэтин (Ил Түмэн) Судаарыстыбаннай Мунньаҕын Бэрэссэдээтэлин Махтала туттарылынна:
- Попов Аркадий Николаевич бааһынай хаһаайыстыба салайааччытыгар, Дьаҥхаады нэһилиэгэ.
Мэҥэ Хаҥалас улууһун социальнай-экэнэмиичэскэй сайдыытыгар кылаатын иһин Саха Өрөспүүбүлүкэтин (Ил Түмэн) Судаарыстыбаннай Мунньаҕын Бэрэссэдээтэлин бастакы солбуйааччытын махтал суруга туттарыллар:
1. Кириллин Власий Власьевичка - Тумул тыа хаһаайыстыбатын производственнай кээпэрэтиибин суоппарыгар.
Саха Өрөспүүбүлүкэтигэр тыа хаһаайыстыбата сайдыытыгар өҥөлөрүн, өр сыллаах үтүө суобастаах үлэлэрин иһин Саха Өрөспүүбүлүкэтин Ил Түмэн Судаарыстыбаннай Мунньаҕын тыа сиригэр уонна аграрнай бэлиитикэҕэ сис кэмититиэт Бочуоттаах грамотатынан наҕараадаланнылар:
- Свинобоев Гаврил Иннокентьевич Боччуо тыа хаһаайыстыбатын потребительскэй кээпэрэтиибин бэтэрээнэ.
- Свинобоев Николай Николаевич үлэ уонна тыа хаһаайыстыбатын бэтэрээнэ, Үһүс Мэлдьэхси нэһилиэгин бочуоттаах олохтооҕо.
- Сергучева Акулина Ивановна Үс үрэх тыа хаһаайыстыбатын потребительскэй кээпэрэтиибин бэрэссэдээтэлэ.
- Харитонов Андрей Константинович Матта нэһилиэгин бэтэрэнээр биэлсэрэ.
Саха Өрөспүүбүлүкэтигэр тыа хаһаайыстыбата сайдыытыгар сүҥкэн кылааттарын, өр сыллаах үтүө суобастаах үлэлэрин иһин Саха Өрөспүүбүлүкэтин агропромышленнай комплексын БОЧУОТТААХ ҮЛЭҺИТЭ аат иҥэрилиннэ
1. Федорова Тамара Ивановнаҕа Ороссолуода нэһилиэгин тыа хаһаайыстыбатын исписэлииһигэр.
Саха Өрөспүүбүлүкэтигэр тыа хаһаайыстыбата сайдыытыгар сүҥкэн кылааттарын, өр сыллаах үтүө суобастаах үлэлэрин иһин Саха Өрөспүүбүлүкэтин тыатын хаһаайыстыбатын туйгуна түөскэ кэтэр бэлиэнэн наҕараадаланнылар:
- Александрова Светлана Афанасьевна - Мэҥэ Хаҥалас улууһун тыа хаһаайыстыбатын салалтатын исписэлииһигэр.
- Десяткин Тимур Борисович - бааһынай хаһаайыстыба салайааччыта, Доллу нэһилиэгэ.
- Жирков Егор Гаврильевич бааһынай хаһаайыстыба салайааччыта, Дьабыл нэһилиэгэ.
- Кондинскай Николай Семенович Тумул тыа хаһаайыстыбатын производственнай кээпэрэтиибин тырахтарыыһа.
- Оконешников Игорь Петрович бааһынай хаһаайыстыба салайаачыыта, Нөөрүктээйи нэһилиэгэ.
Саха Өрөспүүбүлүкэтигэр тыа хаһаайыстыбата сайдыытыгар сүҥкэн кылааттарын, өр сыллаах үтүө суобастаах үлэлэрин иһин Саха сирин тыатын хаһаайыстыбатын бэтэрээнэ бочуоттаах бэлиэнэн наҕараадаланнылар:
- Борисова Екатерина Алексеевна - бааһынай хаһаайыстыба салайааччыта, Ороссолуода нэһилиэгэ.
2. Винокуров Егор Афанасьевич Тараҕай нэһилиэгин тыа хаһаайыстыбатын бэтэрээн үлэһитэ.
Саха Өрөспүүбүлүкэтигэр тыа хаһаайыстыбата сайдыытыгар сүҥкэн кылааттарын, өр сыллаах үтүө суобастаах үлэлэрин иһин Саха Өрөспүүбүлүкэтин тыатын хаһаайыстыбатын миниистирин бочуоттаах грамотатынан наҕараадаланнылар:
- Алексеева Светлана Иннокентьевна Чүүйэ муниципальнай унитарнай тэрилтэ сүрүн бухгалтера;
- Баишев Владимир Егорович бааһынай хаһаайыстыба салайаачыыта, Төҥүлү нэһилиэгэ.
- Баишев Егор Николаевич Дьабыл нэһилиэгин агрохайысхалаах оскуолатын тырахтарыыһа.
- Елегяев Афанасий Афанасьевич Чүүйэ муниципальнай унитарнай тэрилтэ генеральнай дириэктэрин эбээһинэһин толорооччу.
- Сергин Геннадий Юрьевич Хорообут хааччахтаммыт эппиэтинэстээх тэрилтэ салайааччытын солбуйааччыта.
Саха Өрөспүүбүлүкэтигэр тыа хаһаайыстыбата сайдыытыгар сүҥкэн кылааттарын, үтүө суобастаах үлэлэрин иһин Саха Өрөспүүбүлүкэтин тыатын хаһаайыстыбатын миниистирин махтала биллэрилиннэ
- Алексеев Роман Михайловичка Чүүйэ муниципальнай унитарнай тэрилтэ сүрүн зоотехнигар.
- Колосов Дмитрий Афанасьевичка бааһынай хаһаайыстыба салайаачыытыгар, Хорообут нэһилиэгэ.
- Кынакытов Александр Ивановичка Иванова Марина Александровна бааһынай хаһаайыстыба солбуйаачытыгар, Бастакы Баатара нэһилиэгэ.
- Олесов Егор Егоровичка Попов Аркадий Николаевич бааһынай хаһаайыстыба комбайнерыгар, Дьаҥхаады нэһилиэгэ.
- Харитонова Анна Моторовнаҕа - бааһынай хаһаайыстыба салайаачытыгар, Төҥүлү нэһилиэгэ.
- Парфенова Мария Семеновнаҕа Дьаҥхаады нэһилиэгин тыа хаһаайыстыбатын бэтэрээн үлэһитигэр.
- Петров Петр Петровичка Тарат тыа хаһаайыстыбатын потребительскэй кээпэрэтиибин салайааччытыгар.
Ааспыт сыл түмүгүнэн социальнай-экомическай көрдөрүүлэринэн улууспут нэһилиэктэрин икки ардыларыгар бастыҥ үлэлээх нэһилиэктэринэн ааттаннылар:
3-с бөлөххө
3 миэстэни ылары ситистэ Баатара нэһилиэгэ тыа сирин түөлбэтэ. Баһылык Акимов Дмитрий Дмитриевич.
2 миэстэ Ороссолуода нэһилиэгэ тыа сирин түөлбэтэ. Баһылык Афанасьев Иван Васильевич.
1 миэстэ Мэлдьэхси нэһилиэгэ тыа сирин түөлбэтэ. Баһылык Никифоров Валерий Георгиевич.
2-с бөлөххө
3 миэстэни ылары ситистэ Мэҥэ нэһилиэгэ тыа сирин түөлбэтэ. Баһылык Габышев Ньургун Владимирович.
2 миэстэ Бастакы Баатара нэһилиэгэ тыа сирин түөлбэтэ. Баһылык Андросов Петр Васильевич.
1 миэстэ Дьабыыл нэһилиэгэ тыа сирин түөлбэтэ. Баһылык Петров Дмитрий Дмитриевич.
1-ы бөлөххө
3 миэстэни ылары ситистэ Төҥүлү нэһилиэгэ тыа сирин түөлбэтэ. Баһылык Эверстов Петр Васильевич.
2 миэстэ Нөөрүктээйи нэһилиэгэ тыа сирин түөлбэтэ. Баһылык Старостин Иван Васильевич.
1 миэстэ Майа сэлиэнньэтэ тыа сирин түөлбэтэ. Баһылык Неустроев Алексей Иннокентьевич.
Наҕараадаламмыт, бэлиэтэммит дьоммутун өссө төгүл итиитик-истиҥник эҕэрдэлиибит. Инникитин даҕаны үгүс ситиһиилэри, үлэҕит-үөрэххит таһаарыылаах буоллун, төрөөбүт дойдубут сайдарын, чэчирии үүнэрин туһугар түмсүүлээхтик үлэлиэҕиҥ-хамсыаҕыҥ, айыаҕыҥ-тутуоҕуҥ.
Хаартыскалар: https://drive.google.com/drive/folders/17OgZmGWf5zfbqb2YlQxV0HFcJ-Z_TSzp?usp=sharing
Мэҥэ Хаҥалас улууһун дьаһалтатын пресс-сулууспата
58
Рекламный баннер 728x90px center-bottom
Поделитесь новостями с жителями города
Рекламный баннер 200x200px sidebar-right
Рекламный баннер 200x200px sidebar-right
Полезные ресурсы
Разработка -
Оставить сообщение: