12:53 12.02.2026 16+
Туруга тупса тур!
Тирэҕэрэ,чиҥии тур!
Тоҕойдору туораан ис!
Ар5астары ааһан ис!
Саргы дьаһаан - Сахам тыла!
Сарыал санаам – сахам тыла!
Бүгүн Мэҥэ Хаҥаластааҕы нэһилиэнньэ социальнай көмүскэллээх буолууга кэлим киинин дьиэ кэргэни реабилитациялыыр уонна арыаллыыр Аллараа Бэстээхтээҕи отделениетыгар ийэ тыл уонна сурук – бичик күнүгэр аналлаах « Алыптаах остуоруйа ыҥырар» оҕолорго аналлаах тэрээһин буолла.
Оҕолорго ийэ тылбыт сүмэтин иҥэрэн, ырыалаах – тойуктаах, хоһоон, олоҥхоттон быһа тардан толорон , кырыымпанан доҕуһуоллатан, баай сахабыт тыла баар буолан , ийэ тылбытынан саҥаран – иҥэрэн, төрүт тылбытынан кэпсэтэн –ипсэтэн , сахалыы саҥарарбыт саха буоларбытын туоһулуур, тылбыт сүппэккэ иникилээҕин билгэлиир.
« Таал-Таал эмээхсин” остуоруйаны о5олор үөрэ – көтө көрдүлэр, киһи киһитэ буола улаатарга дьулуһуохпут диэн санааҕа кэллилэр.
Таабырын күрэҕэ , хамсаныылаах оонньуу « Ойбонтон уулааһын” күрэх кыайыылаахтарын булан , оҕолор бэлэх ылан үөрүүлэрин үрдэттэ.
Оҕо туһугар бары бииргэ үлэлэһэн, таһымнаах тэрээһини тэрийсибит Мэҥэ – Хаҥаластааҕы кииннэммит библэтиэкэ ситимэ Муниципальнай Хааһына тэрилтэ Аллараа Бэстээхтээҕи филиалын ,В.В.Местников аатынан культуурнай сайдыы киинин фольклорнай салаа специалистарыгар, Аллараа Бэстээх наставниктар сүбэтигэр барҕа махталбытын тиэрдэбит.
Оһуохай барыбытын түмтэ, ийэ тылбыт сайдар суолун уруйдаатыбыт, айхаллаатыбыт.
#төрөөбүттылкүнэ
#алыптаахостуоруйаыҥырар
0
Оставить сообщение: