Атырдьах ыйын 2 күнүгэр, Аллараа Бэстээххэ өрөспүүбүлүкэтээҕи тырааныспар уонна суол хаһаайыстыбатын миниистирин солбуйааччы Семен Коркин

Атырдьах ыйын 2 күнүгэр, Аллараа Бэстээххэ өрөспүүбүлүкэтээҕи тырааныспар уонна суол хаһаайыстыбатын миниистирин солбуйааччы Семен Коркин

«Ассоциация АЯМ» ХЭТ, АО «АК «ЖДЯ» ААУо, «Паромы Якутии» ХЭТ , «Мэҥэ Хаҥалас улууһа» МО,

«Дайкири» ХЭТ , «Ленатранс» ХЭТ салайааччыларын кытары көрсөн тимир суол уонна паром тиксэр причалларын тупсарыы, бөҕөргөтүү уонна саҥардыы үлэлэрин билистэ.

Салайааччы паромҥа киириигэ сыл ахсын күчүмэҕэйдэр тахса турбаттарын туһугар Аллараа Бэстээхтээҕи причалга массыына киириитин хонтуруола, ис тутула булгуччу төрдүттэн уларыйыахтааҕын тоһоҕолоон туран бэлиэтээтэ, тустаах ыйыылары-кэрдиилэри биэрдэ, болдьохтору туруорда.

Салгыы Семен Коркин «Аллараа Бэстээх» өрүс кытылынааҕы таһаҕас тиэйэр терминал хайдах тутуллан иһэрин хонтуруоллаата.

Санатар эбит буоллахха, тутааччылар тимир суол утаҕын өрүс өртүттэн хайыы үйэ тардан бэлэмнээбиттэр. Үөһээ сүрүн ситими кытта холбууллара хаалбыт. Оробуочай дэлэгээссийэ мыраан үрдүттэн биэрэккэ киирэр тимир суол аартыгар туох үлэ бара турарын көрдүлэр-иһиттилэр.

Түмүккэ оробуочай бөлөх «Аллараа Бэстээх» тимир суол станциятыгар тиийэн таһаҕаһы кэмигэр тиэйэн таһаарыыга сүбэ-мунньах ыытта.

Тэрээһиҥҥэ кыттыыны ыллылар өрөспүүбүлүкэни тыын суолталаах табаардарынан хааччыйар бөдөҥ тэрилтэлэр: «Ассоциация АЯМ» ХЭТ, «АК «ЖДЯ» ААУо, «Туймаада Нефть» ААУо НХ, ПААУо «ЛОРП», «Саханефтегазсбыт» ААУо, «Госснабсбыт Якутии» ААУо, «МТЛК» ХЭТ бэрэстэбиитэллэрэ.

Бэриллибит үлэ хайысхатын, тэтимин ыһыктыбакка болдьоммут күҥҥэ-ыйга туруоруммут былааннары ситиһэргэ сыал-сорук туруорда.

Мэҥэ Хаҥалас улууһун дьаһалтатын пресс-сулууспата