Атырдьах ыйын 22 күнүгэр

Атырдьах ыйын 22 күнүгэр

Москва куораттан кэлэ сылдьар

Мария Самотой (Степанова) улуус баһылыгын бастакы солбуйааччытын Василий Михайловы кытта көрүстэ.

Мария Семеновна Мэлдьэхси нэһилиэгиттэн төрүттээх,

тыа хаһаайыстыбатын салаатыгар, Дьоруой Попов аатынан сопхуос сүрүн экэнэмииһинэн, техникум уһуйааччытынан үлэлээбитэ.

Билигин Москва куоракка олорор.

Биир дойдулаахпыт анал байыаннай дьайыы саҕаланыаҕыттан ис дууһатыттан туох эмит көмөнү оҥорбут, дойдубут уустук кэмигэр бэйэм кылааппын киллэрбит киһи диэн санааттан, күн бүгүнүгэр диэри,

Москва куорат госпиталларыгар эмтэнэр буойуттарбытыгар улахан көмөнү оҥоро сылдьарын билэбит.

Төрөөбүт дойдутугар кэлэ сылдьан, улуус салалтатын кытта көрсүһүүтүгэр

Мария Семеновна сахалар ханна да сырыттарбыт түмсүүлээх,

уолаттарбытыгар өйөбүл-тирэх буолуохтаахпыт диэн

Москва5а олорор биир дойдулаахтарбытын түмэн байыастарга төһүү күүс буолар хамсааһын тэрийэн, салҕыы үлэлиир баҕа санаатын биллэрдэ.

Мэҥэ Хаҥалас улууһун дьаһалтатын пресс-сулууспата