БАҺААРТАН СЭРЭХТЭЭХ БУОЛУҤ

БАҺААРТАН СЭРЭХТЭЭХ БУОЛУҤ

Кэнники кэмҥэ өрөспүүбүлүкэбит үрдүнэн утуу-субуу хас даҕаны ыар түмүктээх баһаардар бэлиэтэннилэр.

Баһаар тахсар түгэнин сэрэтии үлэтэ ордук оҕолорго ыытыллара ирдэнэр.

Улуустааҕы кэтээн көрөр уонна сэрэтэр үлэни ыытар отдел баһаары утары охсуһар чааһа нэһилиэнньэҕэ, оҕо уһуйааннарыгар, оскуолаларга баһаартан сэрэтэр үлэлэри тиһигин быспакка ыыталлар.

Уоттан сэрэхтээх буолууга ыҥыраллар, умуруорардааҕар сэрэтэр ордугун санаталлар.

Ытыктабыллаах улууспут олохтоохторо, төрөппүттэр!

Оҕолоргутугар сэрэхтээх буолуу ирдэбиллэрин күн аайы үөрэтэ, саната сылдьыҥ. Аҥаардас бобуунан эрэ муҥурдаммакка, оҕо өйдүүрүн курдук быһааран, баһаар тахсар түгэнигэр хайдах дьаһаныахтаахтарын көрдөрөн биэрэр ордук.

Сокуоннай саастарын ситэ илик оҕолоргутун дьиэҕитигэр көрөр киһитэ суох мээнэ хаалларымаҥ.

Испиискэни, зажигалканы, атын умайар, эстэр сэрэхтээх маллары оҕо тиийбэт сиригэр ууруҥ.

Алын кылаас оҕолоруттан саҕалаан элепктроприбордарынан, розетканан сатаан туттуу быраабылатын саната сылдьыҥ.

Розеткалары бэрэбиэркэлии сылдьыҥ. Биир розеткаҕа элбэх прибору холбоомоҥ. Алдьаммыт розетканан туттумаҥ.

Аһаҕас, алдьаммыт шнурдаах тэриллэринэн туһанымаҥ.

Умайа турар оһоҕу (плитканы, обогреватели, камины) мээнэ хаалларан барымаҥ.

Дьиэҕитин-уоккутун, чугас дьоҥҥутун баһаартан харыстааҥҥыт АДПИ-та туруорунун.

Бу курдук уонна да атын баһаартан сэрэхтээх буолуу быраабылаларын тутуһуҥ, оҕолоргутугар үөрэтиҥ, сэрэхтээх буолуҥ!

Баһаар буолар түгэнигэр, «01», «101», «112» нүөмэрдэргэ,

эбэтэр 8 (41143) 47-880, 8 (965) 998 06 04 ЕДДС дьуһуурунайдарыгар эрийэн түүн да, күнүс да биллэриҥ.

Мэҥэ Хаҥалас улууһун дьаһалтатын пресс-сулууспата