БАЙАНАЙ-2024 КҮРЭҔЭ БУЛЧУТТАР БАСТЫҤ ХАМААНДАЛАРЫН ААТТААТА

«БАЙАНАЙ-2024» КҮРЭҔЭ БУЛЧУТТАР БАСТЫҤ ХАМААНДАЛАРЫН ААТТААТА

Кулун тутар 30 күнүгэр Майа сэлиэнньэтин Ураһалаах алааһыгар үгэскэ кубулуйбут Иннокентий Иннокентьевич Новгородов кэриэһигэр улуустааҕы "Байанай" күрэҕэ буолан ааста.



Барыта түөрт хамаанда кэлэн кыттыыны ылла. Ол курдук, Алтан, Мэлдьэхси нэһилиэктэрэ, Майа уонна Майатааҕы баһаарынай чаас хамаандаларын туруоран, төһө бэлэмнээхтэрин, сатабылларын көрдөрдүлэр.

Күрэхтэһии кыттыылаахтарын улууспут баһылыга Дмитрий Тихонов, Ил Түмэн дьокутаата Андрей Находкин уонна сүрүн судьуйа Дмитрий Сидоров эҕэрдэлээтилэр, ким түмсүүлээх, үчүгэй бэлэмнээх – ол кыайарыгар баҕардылар.

Тыҥааһыннаах киирсии кэнниттэн Майатааҕы баһаарынай чаас хамаандата күрэхтэһии муҥутуур кыайыылааҕынан буолла.

Иккис миэстэҕэ Мэлдьэхси хамаандата таҕыста.

Үһүс миэстэ Майа хамаандата буолла.

Уонна төрдүс Алтан нэһилиэгэ буолла. Миэстэлэспит хамаандалар 30, 20 уонна 10 тыһыынча солкуобайдаах сертификатынан наҕараадаланнылар.

Биирдиилээн дьоҥҥо түмүк:

Сааны түргэнник ыһыыга уонна хомуйууга:

1 миэстэ - Никитин Радомир (Майа)

2 миэстэ - Пивоваров Андрей (Баһаарынай чаас)

3 миэстэ - Местников Иван (Өлөчөй)

4 миэстэ - Колесов Денис (Мэлдьэхси)

Булт быраабылатын туйгуннук билиигэ:

1 миэстэ - Окороков Вячеслав (Мэлдьэхси)

2 миэстэ - Пинигин Евгений (Өлөчөй)

3 миэстэ - Сидоров Гаврил (Баһаарынай чаас)

4 миэстэ - Слободчиков Юлиан (Майа)

Ойбон алларыытыгар:

1 миэстэ - Пивоваров Андрей, Романов Борис (Баһаарынай чаас)

2 миэстэ - Окороков Вячеслав, Герасимов Семен (Мэлдьэхси)

3 миэстэ - Новгородов Ян, Нестеров Иннокентий (Майа)

4 миэстэ - Герасимов Валерий, Петров Андрей (Өлөчөй)

«Түргэн чэй» түһүмэххэ:

1 миэстэ - Слободчиков Тит, Шипошин Михаил (Баһаарынай чаас)

2 миэстэ - Сокольников Руслан, Винокуров Аркадий (Мэлдьэхси)

3 миэстэ - Степанов Владимир, Яковлев Руслан (Майа)

4 миэстэ - Назаров Михаил, Билюкин Дмитрий (Өлөчөй)

Эрэллээхтик кыайбыт уолаттарбытыгар, бары кыттааччыларга уонна тэрийээччилэргэ эҕэрдэ буолуохтун, Байанайгыт куруук тосхойо турдун.

Кыайыылаах хамаанда салгыы өрөспүүбүлүкэтээҕи күрэххэ улууспут чиэһин көмүскүөҕэ. Уолаттарбытыгар үрдүк ситиһиилэри баҕарабыт!

Мэҥэ Хаҥалас улууһун дьаһалтатын пресс-сулууспата