Балаҕан ыйын 4 күнүгэр.

Балаҕан ыйын 4 күнүгэр, Бүтэйдээх нэһилиэгэр Мэҥэ Боҕуруоскай таҥара дьиэтэ төрүттэммитэ 200 сыла бэлиэтэннэ.

Тэрээһиҥҥэ СӨ иккис Президенэ, судаарыстыбаннай сүбэһит Вячеслав Штыров,

«ЛОРП» ПАУо генеральнай дириэктэрэ Сергей Ларионов,

Епархия сүбэһитэ, таҥара дьиэтин попечителэ Афанасий Мигалкин кыттыыны ыллылар.

Сулууспаны Дьокуускай уонна Ленскэй архиепискоба Роман Владыка иилээн-саҕалаан ыытта.

Арассыыйа худуоһунньуктарын сойууһун чилиэнэ, иконописец Ирина Тимофеева бэлэх ууммут сахалыы истииллээх иконатын,

маастар Еримей Малышев оҥорбут иконостаһын,

үтүө санаалаахтар өйөөһүннэринэн бу сайын Москва куораттан кэлбит куолакаллары мэлииппэ ааҕан, сибэтиэй уунан ыраастаата.

Улуус баһылыга Дмитрий Тихонов таҥара дьиэтэ икки үйэлээх үбүлүөйүн көрсөргө күүс-көмө буолбут, кылааттарын киллэрбит дьоҥҥо махтал тылларын этэн туран грамоталары туттарда,

кыттыыны ылбыт ыҥырыылаах ыалдьыттарга

биир дойдулаахпыт, худуоһунньук Николай Баишев суруйбут хартыыналарын бэлэх уунна.

Баһылыгы социальнай уонна имиджевай бэлиитикэҕэ солбуйааччы Альбина Григорьева, култуура салалтатын салайааччыта Анна Исакова уонна ыраахтан-чугастан кэлбит ыалдьыттар тоҕуоруһа мустаннар бу историческай тэрээһиҥҥэ кыттыыны ыллылар.

Сулууспаны тэҥэ мас олордооһуна, баҕалаахтары сүрэхтээһин ыытылынна.

Кэлбит дьон-сэргэ истиҥ, иһирэх эйгэҕэ киирэн астынан, дуоһуйан, санаалыын чэпчээн тарҕастылар.

Мэҥэ Хаҥалас улууһун дьаһалтатын пресс-сулууспата