Бэҕэһээ, от ыйын 12 күнүгэр,

Бэҕэһээ, от ыйын 12 күнүгэр,

48 кыттааччылаах, 15 бэрэстэбиитэллээх улууспут дэлэгээссийэтэ "Дьулуур" XIV спорт адаптивнай көрүҥнэригэр өрөспүүбүлүкэтээҕи спартакиадаҕа кыттыыны ылардыы Амма улууһун сиригэр-уотугар үктэннэ.

Күрэхтэһиигэ уопсайа 825 киһилээх 24 хамаанда мандаат хамыыһыйатын ааһан кыттыыны ылар чиэскэ тигистилэр. Кинилэри кытта 271 бэрэстэбиитэллэр, 63 тренердэр кэллилэр.

Күүстээх тыалга сибээс линията алдьанан моһуоктуу сырытта, ол эрэн бүгүн барыта оҥоһуллан күрэхтэһии хаамыытыыгар мэһэйи таһаарбата.

Хамаандабытыгар дуобат көрүҥэр Аан дойду таһымнаах судьуйа Дмитрий Сыромятников - Кэрэһиннээх,

Аан дойду үс төгүллээх призера, Арассыыйа уон төгүллээх, Европа икки төгүллээх чөмпүйүөнэ Людмила Пахомова,

остуол тиэниһигэр өрөспүүбүлүкэ чөмпүйүөнэ Арина Федорова бэлэмнээбит 8 киһилээх хамаандата,

ядрону анньыы көрүҥэр международнай кылаастаах спорт маастара Айаал Сивцев,

чэпчэки атлетикаҕа спорт маастара Никифор Анисимов уо.д.а. ааттаах спортсменнар бааллар.

Бэҕэһээ голбол, олорон эрэ волейбол, буулдьанан ытыы күрэхтэрэ ыытылыннылар.

Биһиги улууспут эр дьонун хамаандата голбол көрүҥэр Мииринэй куорат хамаандатын кытта киирсэн

14:4 ахсаанынан кыайыыны ситистэ.

Бүгүн Ил Дархан кыттыылаах спартакиада үөрүүлээх арыллыыта, араас интэриэһинэй хапсыһыылар, күрэхтэһиилэр күүтэллэр.

Спартакиада хаамыытын сырдатыыны биһиги ханаалбытыгар күүтүҥ.

Мэҥэ Хаҥалас улууһун дьаһалтатын пресс-сулууспата