БЭЙЭНИ САЛАЙЫНЫЫ СЭБИЭТИН УОЧАРАТТААХ МУННЬАҔА

БЭЙЭНИ САЛАЙЫНЫЫ СЭБИЭТИН УОЧАРАТТААХ МУННЬАҔА

Бүгүн, алтынньы 4 күнүгэр, улуус дьаһалтатын мунньахтыыр саалатыгар бэйэни салайыныы сэбиэтин уочараттаах мунньаҕа ыытылынна.

Улуус баһылыга Дмитрий Тихонов кыстыкка киириигэ бэлэмнэнии,

Ил Дархан таһаарбыт дьадайыы утары ыйаахтарын үлэҕэ киллэрии, быйылгы дьылынан бүтэр национальнай бырайыактарынан түмүк оҥоруута, саҥа киирэр бырайыактары үөрэтии ирдэнэр диэн иһитиннэриини оҥорон сэбиэт үлэтин саҕалаата.

Мунньахха нэһилиэк баһылыктара, салалталар салайааччылара, Ил Түмэҥҥэ улууспут дьокутаата Андрей Находкин кыттыыны ыллылар.

Бастакы боппуруоһунан хонтуруоллуур уонна ааҕар-суоттуур палаата кылаабынай исписэлииһэ Майя Эверстова олохтоох бүддьүөт тутулун оҥоруу тосхоллорун, ирдэбиллэрин уонна сүрүн сыыһалар туһунан иһитиннэрдэ.

Манна Дмитрий Иванович нэһилиэк баһылыктарын, экономистары муһан сэрэтии, иһитиннэрии быһыытынан мунньах ыытыллара ирдэнэрин эттэ.

Улуус баайын-дуолун салайар уонна сир сыһыаннаһыыларыгар кэмитиэтин начаалынньыга Николай Никифоров урут учуоттаммыт эбийиэктэр хаһаайыттарын чуолкайдааһыҥҥа 518 нүөмэрдээх федеральнай сокуон ирдэбиллэрин толорон сааһыланыы үлэтэ хайдах ыытылла турарын иһитиннэрдэ. Нэһилиэктэринэн сылы түмүктүүр үлэ көрдөрүүтүн көрүүгэ бу үлэ учуоттанара оруннаах диэн иһитиннэриитин киллэрдэ.

Улуус дьаһалтатын сүрүн исписэлииһэ, баһылык көмөлөһөөччүтэ Радомир Никитин олохтоохтортон киирэр сайабылыанньаларынан ыытыллыахтаах отчуоту 9-с федеральнай сокуон тутулугар олоҕуран туттарыы ирдэбиллэрин, киирбит саҥа уларыйыылары иһитиннэрдэ, бэрээдэктэниэххэ, сааһыланыахха диэн ыҥырда.

Тыа хаһаайыстыбатын салалтатын салайааччыта Иннокентий Семенов быйылгы оттооһун, сылгы, сүөһү эбии аһылыгын былаана туолуутун, үүт туттарыытын, кыстыкка киирэр ынах-сүөһү, сылгы төбөтүн ахсаанын сиһилии билиһиннэрдэ.

Хара нэһилиэгин баһылыга Дария Назарова хас биирдии нэһилиэккэ кэпэрэтиип тэриллэрэ ирдэнэрин этии быһыытынан эттэ.

Аҕа дойду сэриитин Улуу Кыайыы 80 сылын көрсөргө бэлэмнэнэ сылдьар Мэҥэ Хаҥалас улууһун уонна нэһилиэктэр дьаһалталарын, сүрүн тэрилтэлэри кытта холбоһуктаах бырайыагынан бырайыак салайааччыта Октябрина Дмитриева, улуус дьаһалтатын пресс-сулууспатын салайааччыта Анастасия Федорова, таҥыыга эппиэтинэстээх Марфа Птицына бүгүҥҥү күннээҕи үлэ балаһыанньатын билиһиннэрдилэр.

🔸Ил Түмэҥҥэ улууспут дьокутаата Андрей Находкин салайар Сир сыһыаннаһыыларыгар, айылҕа баайыгар уонна экологияҕа сис кэмитиэтин үлэтин, саҥа булуллубут тыа сиригэр, үлэҕэ-хамнаска туһалаах буолуох арыйыылары иһитиннэрдэ.

Мэҥэ Хаҥалас улууһун дьаһалтатын пресс-сулууспата