Бүгүн, алтынньы 13 күнүгэр, улуустааҕы тыа хаһаайыстыбатын салалтатын салайааччытын солбуйааччы Александр Борисов Нөөрүктээйи нэһилиэгэр улууска соҕотох.

Бүгүн, алтынньы 13 күнүгэр, улуустааҕы тыа хаһаайыстыбатын салалтатын салайааччытын солбуйааччы Александр Борисов Нөөрүктээйи нэһилиэгэр улууска соҕотох, оҕуруот аһын уурар-харайар эбийиэккэ сылдьан үлэ хаамыытын билистэ.

Урбаанньыт Власий Петров

1,5 тыһыынча туоннаҕа диэн үс оҕуруот аһын тутар эбийиэктэртэн, 750 квадратнай миэтэрэлээх, биирин үлэлэтэ турар.

Билигин улахан кууллартан хортуоппуйдары босхолоон, бытархайын, буорун араарааһынынан дьарыктана сылдьаллар.

Быйылгы хомуур түмүгүнэн түөрт улахан хаһаайыстыба оҕуруот аһын туттарбыт. Уопсайа 354 туонна хортуоппуй, 358 туонна хаппыыста, 15 туонна моркуоп, 15 туонна сөбүөкүлэ буолбут.

Оҕуруот аһа үлүйбэтин диэн газовай конвектордарынан үрдэрэн +5 кыраадыһы туталлар эбит.

Газовай конвектор салгыны куурдар диэн климаты хонтуруоллуур тэрили ылынарга үлэлэһэр баҕа баарын Власий Петров иһитиннэрдэ.

Власий Федорович быйыл тыа хаһаайыстыбатын бородууксуйатын атыылаһыыга туоһуламмыт субсидия нөҥүө 354,2 туонна хортуоппуйу атыылаһан 3 542 000 солкуобай, аһаҕас буорга үүнэр оҕуруот аһын ылыытыгар 388,8 туоннаҕа 3 888 000 солкуобай өйөбүлү ылары ситиспитэ.

Эдэр, кэскиллээх, үлэни өрө тутар урбаанньыппытыгар таһаарыылаах үлэни баҕарыаҕыҥ!

Мэҥэ Хаҥалас улууһун дьаһалтатын пресс-сулууспата