Бүгүн, ахсынньы 27 күнүгэр, улуус баһылыга Дмитрий Тихонов тэрээһиннээх хаһаайыстыбалар салайааччыларын, бааһынай хаһаайыстыбалаах дьону кытта көрүстэ. Сүбэ мунньахха кыстык хаамыытын, Саҥа дьыллааҕы өрөбүллэргэ дьуһуурустуба олохтооһунун.

Бүгүн, ахсынньы 27 күнүгэр, улуус баһылыга Дмитрий Тихонов тэрээһиннээх хаһаайыстыбалар салайааччыларын, бааһынай хаһаайыстыбалаах дьону кытта көрүстэ. Сүбэ мунньахха кыстык хаамыытын, Саҥа дьыллааҕы өрөбүллэргэ дьуһуурустуба олохтооһунун, кэлэр сыллааҕы былааннары ирэ-хоро кэпсэттилэр.

Улуустааҕы тыа хаһаайыстыбатын салалтатын салайааччыта Иннокентий Семенов иһитиннэрбитинэн:

"Тыабыт хаһаайыстыбата туруктаах буолуутугар дьоммут-сэргэбит таһаарыылаахтык үлэлииллэр. Бэлиэтээн эттэххэ, биһиги улуус кэккэ сир үлэтигэр ситиһиилэрдээхпит. Былааннарбытын сүрүннээн бу хайысхаҕа толордубут. Хомойуох иһин, төбөбүт ахсааныгар аччааһыннар бааллар. Сылы түмүктүүр тэрээһиммит кэлэр сыл саҥатыгар буолуоҕа".

Мунньах кыттыылаахтара баар кыһалҕалары туоратарга бэйэлэрин тус көрүүлэрин, этиилэрин киллэрдилэр, инникитин хайдах дьаһанан үлэни тэрийэри ырыттылар. Ону таһынан улуус дьаһалтатын өттүттэн туох-ханнык өйөбүллэр баалларын билсэн, Саҥа дьылынан эҕэрдэлэһэн тарҕастылар.

Мэҥэ Хаҥалас улууһун дьаһалтатын пресс-сулууспата