Бүгүн, ахсынньы 28 күнүгэр.

Бүгүн, ахсынньы 28 күнүгэр, Аллараа Бэстээх Транспортнай техникумугар улууспут Ытык Сүбэтин сылы түмүктүүр мунньаҕа ыытылынна.

Мунньахха баһылыгы социальнай уонна имиджевэй бэлиитикэҕэ солбуйааччы Альбина Григорьева, улуус дьокутааттарын Сэбиэтин бэрэссэдээтэлэ Иннокентий Андросов, Ил Түмэн дьокутааттара Андрей Находкин, Захар Никитин, Олег Марков, Тихон Скрябин, “Дойду ситимэ” холбоһук бэрэссэдээтэлэ Юрий Баишев, СӨ Үрдүкү Ытык Сүбэтин чилиэнэ Василий Эверстов кыттыыны ыллылар.

Мунньаҕы Ытык Сүбэ салайааччыта Зиновий Игнатьев иилээн-саҕалаан ыытта:

“Бүгүҥҥү көрсүһүүгэ олус үчүгэй кэпсэтии таҕыста. Ытыктыыр кырдьаҕастарбыт ыллыктаах этиилэрин киллэрдилэр. Дьокутааттарбыт кэлэн кыттыбыттарыттан астынныбыт, мунаахсыйар боппуруостарбытыгар хоруйдары ыллыбыт”, - диэн бэлиэтиир.

Мунньах кыттыылаахтара үлэ-хамнас хайдах баран иһэрин билсэн, инники былааннары торумнаһан, ону таһынан сүрүн көрдөрүүлэргэ тохтоон ырытыһан тарҕастылар.

Мэҥэ Хаҥалас улууһун дьаһалтатын пресс-сулууспата