Бүгүн, ахсынньы 3 күнүгэр.

Бүгүн, ахсынньы 3 күнүгэр, Аан дойдутааҕы доруобуйаларынан хааччахтаах дьон күнэ бэлиэтэнэр.

Бу күн доруобуйаларынан хааччахтаах дьон уопсастыба олоҕор харгыһа суох кытталларыгар көмөлөһөр, кинилэр бырааптарын көмүскүүр сыаллаах олохтоммута.



Инбэлииттэр норуоттар икки ардыларынааҕы күннэрин бэлиэтиир туһунан быһаарыыны 1992 сыллаахха ХНТ (ООН) Генеральнай ассамблеята ылыммыта.

Бу күн чэрчитинэн улуус, өрөспүүбүлүкэ үрдүнэн доруобуйаларынан хааччахтаах дьоммутугар ананар киэҥ хабааннаах дэкээдэ ыытылла турар. Тамара Николаевна Пермякова бэрэссэдээтэллээх улуустааҕы доруобуйаларынан хааччахтаах дьон уопсастыбалара ыытыллар тэрээһиннэргэ куруутун көхтөөхтүк кытталлар, үрдүк көрдөрүүлэринэн улууспутун чиэстээхтик ааттаталлар.

Күндү дьоммутугар чэгиэн туругу, этэҥҥэ буолууну, дьолу-соргуну баҕарабыт. Эһиги күүстээх санааҕытынан, олоххо көхтөөх сыһыаҥҥытынан барыбытыгар холобур буолаҕыт.

Мэҥэ Хаҥалас улууһун дьаһалтатын пресс-сулууспата