Бүгүн, ахсынньы 8 күнүгэр, профессор.

Бүгүн, ахсынньы 8 күнүгэр, профессор, историк Иван Михайлович Романов аатынан улууспут биир баай историялаах Төхтүр орто оскуолата төрүттэммитэ 115 сыллаах үбүлүөйүн бэлиэтиир тэрээһинэ ыытылынна.

Бу үөрүүлээх бэлиэ күнүнэн Иван Михайлович бүүһүгэр

кини төрөппүт уола Ил Түмэн дьокутаата Иннокентий Романов, ХИФУ Историческай факультетын декана Наталья Стручкова, доцент Капиталина Яковлева уонна магистрдар оскуола кэлэктиибин кытта сибэкки дьөрбөтүн уурдулар, үтүө аатын, ыыппыт үлэтин-хамнаһын сылаастык-иһирэхтик аҕыннылар.

Улуус баһылыгын тутуу боппуруостарыгар солбуйааччы Василий Филиппов оскуола кэлэктиибин, педагогическай үлэ бэтэрээннэрин, выпускниктары, үөрэнээччилэри, төрөппүттэри эҕэрдэлээн туран дириэктэргэ Михаил Макаровка баһылык эҕэрдэ суругун кытта бэлэҕин туттарда.

Бу күн үөрэнээччилэр айар үлэлэринэн быыстапка, «Көлүөнэлэр ситимнэрэ» кылаас чаастара, оҕону үлэнэн иитии тула төгүрүк остуол, выпускниктар парааттара, эҕэрдэ кэнсиэр тэрилиннэ.

Мэҥэ Хаҥалас улууһун дьаһалтатын пресс-сулууспата