Если Вы стали свидетелем аварии, пожара, необычного погодного явления, провала дороги или прорыва теплотрассы, сообщите об этом в ленте народных новостей. Загружайте фотографии через специальную форму.
Рекламный баннер 990x90px header-top
Рекламный баннер 728x90px center-top
Бүгүн, балаҕан ыйын 14 күнүгэр, Майа сэлиэнньэтин Мичил оҕо уһуйааныгар ытык педагог Анна Егоровна Зыкова аатын иҥэрии.
Бүгүн, балаҕан ыйын 14 күнүгэр, Майа сэлиэнньэтин «Мичил» оҕо уһуйааныгар ытык педагог Анна Егоровна Зыкова аатын иҥэрии, мемориалы арыйыы бэлиэ тэрээһинэ ыытылынна.
Улуус баһылыга Дмитрий Тихонов Анна Егоровна үтүө суобастаах, киэҥ далааһыннаах үлэтин ахтан-санаан туран бу үөрүүлээх түгэнинэн уһуйаан үлэһиттэрин, иитиллээччилэрин, бэтэрээннэри, мустубут бар дьонун эҕэрдэлээтэ.
Анна Егоровна Зыкова – биһиги улууспутугар маҥнайгы оҕо уһуйааннарын төрүттэспит сүдү, үтүө өҥөлөөх. 1934 сыллаахха Дьокуускай куоракка педучилищены бүтэрэн баран дойдутугар Мэҥэ Хаҥалас оройуонугар үлэлии тахсыбыта.
Олоххо ураты көрүүлээх, саҥа кэм бэрэстэбиитэлэ эдэр учуутал үөрэнэр кыһатыгар ылбыт дириҥ билиитин-көрүүтүн умсулҕаннаахтык олоххо киллэрэн барбыта. Хаптаҕай нэһилиэгин Тииттээх сиригэр оҕо былаһааккатын арыйыытыттан саҕалаан, бүтүн улууһу атынан кэрийэ сылдьан Моорук, Дьаҥхаады, Доллу, Хара нэһилиэктэригэр оҕо уһуйааннарын тэрийэн үлэлэппитэ.
Кэлин Табаҕаҕа алын сүһүөх кылаастарга учууталлаабыта. Кини ииппит-такайбыт, үөрэппит оҕолоро улуус, өрөспүүбүлүкэ, бүтүн Сойуус үрдүнэн куорсун анньынан көппүттэрэ, күндү иитээччилэрин, учууталларын аатын киэҥник ааттаппыттара.
Анна Егоровна Табаҕа оскуолатын чаҕылхай педагогическай династияларын төрүттээччилэртэн биирдэстэрэ. Кини кэргэнэ нэһилиэк оскуолатын салгыы туттарбыт, кэҥэппит улахан өҥөлөөх, өр сылларга учууталлаабыт, дириэктэрдээбит – Михаил Егорович Васильев буолар.
Улууспут устуоруйатыгар күндү кылаатын киллэрбит үтүө санаалаах педагог төрөөбүтэ 110 сааһын көрсө, Арассыыйа Федерациятын президенэ Владимир Путин 2023 сылы Уһуйааччы уонна Аҕа сүбэһит сылынан биллэрбитинэн, СӨ Ил Дархана быйылгы сылы Үлэ сылынан бигэргэппитинэн – Анна Егоровна Зыкова аата Мэҥэ Хаҥалас улууһун «Мичил» оҕо уһуйааныгар көмүс буукубанан киирэн үйэлэргэ иҥэриллиитэ кини дьоһуннаах, киэҥ далааһыннаах үлэтигэр – сүгүрүйүү, ытыктабыл буолар.
Мэҥэ Хаҥалас улууһун дьаһалтатын пресс-сулууспата
Улуус баһылыга Дмитрий Тихонов Анна Егоровна үтүө суобастаах, киэҥ далааһыннаах үлэтин ахтан-санаан туран бу үөрүүлээх түгэнинэн уһуйаан үлэһиттэрин, иитиллээччилэрин, бэтэрээннэри, мустубут бар дьонун эҕэрдэлээтэ.
Анна Егоровна Зыкова – биһиги улууспутугар маҥнайгы оҕо уһуйааннарын төрүттэспит сүдү, үтүө өҥөлөөх. 1934 сыллаахха Дьокуускай куоракка педучилищены бүтэрэн баран дойдутугар Мэҥэ Хаҥалас оройуонугар үлэлии тахсыбыта.
Олоххо ураты көрүүлээх, саҥа кэм бэрэстэбиитэлэ эдэр учуутал үөрэнэр кыһатыгар ылбыт дириҥ билиитин-көрүүтүн умсулҕаннаахтык олоххо киллэрэн барбыта. Хаптаҕай нэһилиэгин Тииттээх сиригэр оҕо былаһааккатын арыйыытыттан саҕалаан, бүтүн улууһу атынан кэрийэ сылдьан Моорук, Дьаҥхаады, Доллу, Хара нэһилиэктэригэр оҕо уһуйааннарын тэрийэн үлэлэппитэ.
Кэлин Табаҕаҕа алын сүһүөх кылаастарга учууталлаабыта. Кини ииппит-такайбыт, үөрэппит оҕолоро улуус, өрөспүүбүлүкэ, бүтүн Сойуус үрдүнэн куорсун анньынан көппүттэрэ, күндү иитээччилэрин, учууталларын аатын киэҥник ааттаппыттара.
Анна Егоровна Табаҕа оскуолатын чаҕылхай педагогическай династияларын төрүттээччилэртэн биирдэстэрэ. Кини кэргэнэ нэһилиэк оскуолатын салгыы туттарбыт, кэҥэппит улахан өҥөлөөх, өр сылларга учууталлаабыт, дириэктэрдээбит – Михаил Егорович Васильев буолар.
Улууспут устуоруйатыгар күндү кылаатын киллэрбит үтүө санаалаах педагог төрөөбүтэ 110 сааһын көрсө, Арассыыйа Федерациятын президенэ Владимир Путин 2023 сылы Уһуйааччы уонна Аҕа сүбэһит сылынан биллэрбитинэн, СӨ Ил Дархана быйылгы сылы Үлэ сылынан бигэргэппитинэн – Анна Егоровна Зыкова аата Мэҥэ Хаҥалас улууһун «Мичил» оҕо уһуйааныгар көмүс буукубанан киирэн үйэлэргэ иҥэриллиитэ кини дьоһуннаах, киэҥ далааһыннаах үлэтигэр – сүгүрүйүү, ытыктабыл буолар.
Мэҥэ Хаҥалас улууһун дьаһалтатын пресс-сулууспата
23730
Рекламный баннер 728x90px center-bottom
Поделитесь новостями с жителями города
Рекламный баннер 200x200px sidebar-right
Рекламный баннер 200x200px sidebar-right
Полезные ресурсы
Разработка -
