Бүгүн, балаҕан ыйын 19 күнүгэр.

Бүгүн, балаҕан ыйын 19 күнүгэр, бэһис ыҥырыылаах оройуон Сэбиэтин саҥа талыллыбыт дьокутааттарын бастакы тэрээһин сессиялара ыытылынна.

Улуус салалтата, нэһилиэктэр баһылыктара, тэрилтэлэр, салалталар салайааччылара кыттыыны ыллылар. Сессия билсии, бэрэссэдээтэли, солбуйааччыны талыы бэрээдэгинэн ааста.

 

Мунньаҕы улуус баһылыга Дмитрий Тихонов тыл этэн саҕалаата, араас үлэ эйгэтиттэн тутаах идэлэри баһылаабыт, дьон-сэргэ итэҕэлин ылбыт дьокутааттарга таһаарыылаах үлэни баҕаран туран эҕэрдэ суруктары туттарда.

 

Мэҥэ Хаҥаластааҕы территориальнай быыбар хамыыһыйатын бэрэссэдээтэлэ Ирина Назарова быыбар түмүгүн билиһиннэрдэ, талыллыбыт дьокутааттарга дастабырыанньаларын туттарда.

Ол курдук, бэһис ыҥырыылаах оройуон Сэбиэтин дьокутааттарынан буоллулар:

Уокуруктарынан талыллыбыт дьокутааттар:

Мэҥэтээҕи уокурукка - Андросов Иннокентий Иннокентьевич, Мөҥүрүөн нэһилиэгин баһылыга,

Төҥүлүтээҕи уокурукка - Борисов Николай Иванович, Майатааҕы РЭС учаастагын начаалынньыгын солбуйааччы,

Илин Майатааҕы уокурукка - Докторов Николай Святославович, «Мегинострой» тутуу хампаанньатын салайааччыта,

Приленскэйдээҕи уокурукка - Захаров Дьулустан Иванович, В.Уваров аатынан Олимпийскай эрэллэр оскуолаларын дириэктэрэ,

Аллараа Бэстээхтээҕи уокурукка - Колмакова Ольга Васильевна, Аллараа Бэстээхтээх 2-с нүөмэрдээх оскуола дириэктэрэ,

Арҕаа Майатааҕы уокурукка - Лукин Аркадий Ефремович, «Чүүйэ» МУТ дириэктэрэ,

Тыыллыма-Наахара уокуругар - Масаха Михаил Иванович, Р.Васильев аатынан кыраайы үөрэтэр түмэл дириэктэрин эбээһинэһин толорооччу,

Суолатааҕы уокурукка - Новиков Ян Аркадьевич, «Протэк» ХЭО генеральнай дириэктэрэ,

Хотугу Майатааҕы уокурук - Пивоваров Иван Гаврильевич, киин балыаһа биэлсэрэ,

Табаҕатааҕы уокурукка - Слепцов Александр Егорович, урбаанньыт.

 

Партийнай испииһэгинэн  талыллыбыт дьокутааттар:

«Арассыыйа хомуньуустара» баартыйаттан - Филиппов Валерий Васильевич,

«Саҥа дьон» баартыйаттан - Егоров Альберт Захарович,

«Сиэрдээх Арассыыйа» баартыйаттан - Попов Аполлон Михайлович,

«Биир ньыгыл Арассыыйа» баартыйаттан:

Ефремова Екатерина Петровна, Д.Ходулов аатынан Норуот айымньытын дьиэтин дириэктэрэ,

Никаноров Руслан Иванович, ОДЬУоКХ улуустааҕы филиалын үлэ харыстабылыгар сүрүннүүр исписэлииһэ,

Скрябин Иннокентий Михайлович, үөрэҕирии үлэһиттэрин улуустааҕы боропсойууһун бэрэссэдээтэлэ,

Тишков Александр Владимирович, В.Уваров аатынан Олимпийскай эрэллэр оскуолаларын дириэктэрин солбуйааччы,

Толстяков Гаврил Николаевич, улуустаҕы үөрэҕирии салалтатын салайааччыта,

Федотова Надежда Семеновна, «Хоту» ТХПК кылаабынай технолога,

Яковлев Иннокентий Эдуардович, ОДЬУоКХ улуустааҕы филиалын дириэктэрэ.

 

Салгыы Дмитрий Тихонов бастакы тэрээһин сессия регламеныгар олоҕуран аҕа саастаах депутаты Валерий Филипповы сессияны ыытарыгар ыҥырда.

Валерий Васильевич бэбиэскэ быһыытынан сессия үлэтин саҕалаата.

Бастакынан тэрээһин сессия бэбиэскэтин бигэргэттилэр, дьокутааттар истэриттэн үс киһилээх ааҕар хамыыһыйа чилиэттэринэн Екатерина Ефремова, Михаил Масаха, Иннокентий Скрябин талылыннылар.

Сүрүн боппуруоһунан бэрэссэдээтэли уонна солбуйааччыны талыы ыытылынна. Ол түмүгэр, аһаҕас куоластааһынынан Иннокентий Андросов Сэбиэт бэрэссэдээтэлинэн, Гаврил Толстяков солбуйааччынан талылыннылар.

 

Ил Түмэн судаарыстыбаннай мунньаҕын дьокутаата Андрей Находкин, улуустааҕы Ытык сүбэ бэрэссэдээтэлэ Зиновий Игнатьев, СӨ Ил Дарханын уонна бырабыытылыстыбатын бэйэни салайыныы департаменыттан Николай Захаров кэлэн кыттыыны ыллылар, дьокутааттарга кэлэр биэс сыллаах үлэлэригэр ылынар уураахтара улууспут, тыа сирэ салгыы сайдарыгар төһүү күүс буолалларыгар баҕардылар.

 

Мэҥэ Хаҥалас улууһун дьаһалтатын пресс-сулууспата