Бүгүн чэпчэки атлетикаҕа улууспут хамаандатыттан сүһүөхтэринэн хааччахтаахтарга Айталина Тарасова, Василий Федоров,

Бүгүн чэпчэки атлетикаҕа улууспут хамаандатыттан сүһүөхтэринэн хааччахтаахтарга Айталина Тарасова, Василий Федоров,

харахтарынан хааччахтаахтарга Людмила Пахомова, Константин Шишигин,

кулгаахтарынан хааччахтаахтарга Кирилл Калачев кыттыыны ыллылар.

Улууспут баһылыга Дмитрий Тихонов Майа сэлиэнньэтин баһылыгын Алексей Неустроевы кытта кэлэн хамаандаларын күрэхтэрин көрдүлэр-иһиттилэр.

Сытыы киирсии кэнниттэн 100 миэтэрэ уһуҥҥа

Майа сэлиэнньэтиттэн Людмила Пахомова 3 миэстэҕэ тахсан боруонса мэтээли,

1-кы Тыыллыматтан Константин Шишигин 1 миэстэ буолан кыһыл көмүс мэтээли хамаандаларыгар аҕаллылар.

Кыайыылаахтары наҕараадалыыр үөрүүлээх түһүлгэҕэ спорт миниистирин солбуйааччы Гаврил Мохначевскай

Айаал Сивцевка уонна Никифор Анисимовка спорт маастардара буолалларын туоһулуур бэлиэлэри туттарда.

Ону таһынан күрэхтэһии хаамыытынан:

голбол көрүҥэр кыргыттарбыт олохтоох Амма хамаандатын 10:1, Бүлүүлэри 10:0 ахсаанынан кыайыыны ситистилэр,

олорон эрэ волейбол көрүҥэр кыргыттарга улууспут сүүмэрдэммит хамаандата Уус Алданнары 3:0, эр дьон хамаандата Чурапчылары 3:1 ахсаанынан кыайдылар.

Спортсменнарбытын бу спартакиадаҕа бастакы ситиһиилэринэн эҕэрдэлиэҕиҥ!

Мэҥэ Хаҥалас улууһун дьаһалтатын пресс-сулууспата