Бүгүн ГИБДД күнүн чэрчитинэн улууспутугар Суолга куттал суох буолуутун судаарыстыбаннай инспекциятын үлэһиттэрин чиэстээһин үөрүүлээх тэрээһинэ ыытылынна.

Бүгүн ГИБДД күнүн чэрчитинэн улууспутугар Суолга куттал суох буолуутун судаарыстыбаннай инспекциятын үлэһиттэрин чиэстээһин үөрүүлээх тэрээһинэ ыытылынна.

Улуус баһылыга Дмитрий Тихонов инспекция начаалынньыгын Иван Колмогоровы, бары үлэһиттэри, бэтэрээннэри идэлээх күннэринэн эҕэрдэлээн туран суолга быһылаан тахсыбатын туһугар күннэри-түүннэри сыралаһан туран ыытар сулууспаларын, үтүө суобастаах үлэлэрин иһин махтал суруктарын туттарда.

Суолга бэрээдэги көрөр сулууспа старшай инспектора, старшай лейтенант Захар Ильин дьаһалта грамотатынан,

Техническэй надзор уонна эксээмэн тутар, регистрациялыыр үлэни ыытар салаа госинспектордара: полиция хапытаана Федот Богимов, старшай лейтенант Иннокентий Атласов,

Суолга куттал суох буолуутун пропагандалыыр салаа инспектора, полиция лейтенана Айыына Васильева,

Суолга бэрээдэги көрөр сулууспа инспектора, младшай лейтенант Семен Петухов баһылык махтал суруктарынан,

Техническай надзор уонна эксээмэн тутар, регистрациялыыр үлэни ыытар салаа инспектора Иннокентий Атласов депутаттар Сэбиэттэрин грамотатынан наҕараадаланнылар.

Суолга саахал тахсыытын статистикатын көрөр эбит буоллахха, быйыл 21% аччаабыт.

Бу барыта суолга айан кыттааччыларын сокуоннай бырааптарын уонна интэриэстэрин көмүскүүр сулууспа үлэтин көрдөрүүтэ буолар.

Мэлдьи бэрээдэк харабылыгар турар ГИБДД бары үлэһиттэрин идэлээх күҥҥүтүнэн уонна үрдүк наҕараадалары туппуккутунан эҕэрдэлиибит! Эппиэтинэстээх үлэҕитигэр өссө үрдүк ситиһиилэри баҕарабыт.

Мэҥэ Хаҥалас улууһун дьаһалтатын пресс-сулууспата