Бүгүн, от ыйын 14 күнүгэр.

Бүгүн, от ыйын 14 күнүгэр, «Дьулуур» өрөспүүбүлүкэтээҕи ХIV-с спартакиада үөрүүлээх арыллыыта Амма сэлиэнньэтин Олимп стадионугар ыытылынна.

Тэрээһин саҕаланыыта Ил Дархан адаптивнай көрүҥнэргэ өрөспүүбүлүкэбит чулуу спортсменнарын кытта көрсөн кэпсэттэ.



Улууспут баһылыга Дмитрий Тихонов,

баһылыгы социальнай уонна имиджевэй бэлиитикэҕэ солбуйааччы Альбина Григорьева,

Майа сэлиэнньэтин баһылыга Алексей Неустроев,

спорт уонна физическэй култуура салалтатын салайааччыта Алексей Попов улууспут дэлэгээссийэтин параадка салайан киллэрдилэр.

Ил Дархан Айсен Николаев,

Арассыыйа Параолимпийскай кэмитиэтин президенин солбуйааччы, Параолимпийскай оонньуулар чөмпүйүөнэ Иван Потехин,

Амма улууһун баһылыга Степан Кузьмин спартакиада кыттыылаахтарын, бэтэрээннэрин үөрүүлээх спорт бырааһынньыгынан эҕэрдэлээтилэр.

Спартакиада былааҕын көтөҕүүгэ биһиги улуустан Бүтэйдээхтэн төрүттээх ядрону быраҕыы көрүҥэр норуоттар икки ардыларынааҕы кылаастаах спорт маастара Айаал Сивцев кытынна.

Өрөспүүбүлүкэбит аатын үгүстүк ааттаппыт бастыҥ спортсменнар күрэхтэһии уотун бэрсэн уматтылар.

Амма улууһун ураты кэрэ айылҕатын бэлиэтиир дьүһүйүүнү көрдөрдүлэр.

Мэҥэ Хаҥалас улууһун дьаһалтатын пресс-сулууспата