Бүгүн, саха норуотугар сүҥкэн суолталаах муус устар 27 күнүгэр, Саха Автономнай Сэбиэскэй Социалистическай Өрөспүүбүлүкэтин төрүттэспит үтүөкэннээх судаарыстыбаннай.

Бүгүн, саха норуотугар сүҥкэн суолталаах муус устар 27 күнүгэр, Саха Автономнай Сэбиэскэй Социалистическай Өрөспүүбүлүкэтин төрүттэспит үтүөкэннээх судаарыстыбаннай, уопсастыбаннай диэйэтэллэрбитин махтана ахтан-санаан ааһабыт.

Бу күн улуус баһылыга Дмитрий Тихонов, баһылыгы бастакы солбуйааччы Василий Михайлов, оройуон дьокутааттарын Сэбиэтин бэрэссэдээтэлэ Иннокентий Андросов ытыктыыр биир дойдулаахтарбыт, өрөспүүбүлүкэбит сайдыытыгар улахан өҥөлөөх тумус туттар салайааччыларбыт сыралаах үлэлэрин, үрдүк ситиһиилэрин уруйдуур, суолталарын кэнэҕэски ыччакка өйдөтөр сыаллаах үөрүүлээх миитиҥҥэ кыттыыны ыллылар.

1-кы Тыыллыма нэһилиэгэр Семен Захарович Борисов,

Хараҕа Иннокентий Гаврилович Игнатьев,

Бүтэйдээххэ Кузьма Осипович Гаврилов,

Мөҥүрүөн нэһилиэгэр Егор Дмитриевич Кычкин курдук бас-көс дьоммут,

Сахабыт сирэ сайдыытыгар быһаччы үлэлэспит, кылааттарын киллэрбит уопсастыбаннай, политическэй диэйэтэллэрбит үтүө ааттарыгар сүгүрүйэн туран таас мөссүөннэригэр сибэкки дьөрбөтүн уурдулар.

Бу күн, ытык дьоммут тустаах кэмҥэ бэлиитикэҕэ хорсуннарынан, төрөөбүт сирдэригэр бэриниилээхтэринэн Сахабыт сирин инникитин быһаарбыттара үйэлэргэ өлбөөдүйбэккэ ахтылла туруохтара,

кинилэр үтүө холобурдарыгар үөрэххэ, үлэҕэ үгүс ситиһиилэрдээх, төрөөбүт дойдуларын дьиҥнээх патриоттара үүнэн-сайдан тахсыахтара диэн эрэнэбит.

Тапталлаах Сахабыт сирэ сылтан сыл, күнтэн күн үүнэ-сайда, чэчирии турдун!

Мэҥэ Хаҥалас улууһун дьаһалтатын пресс-сулууспата