Бүгүн Саха Өрөспүүбүлүкэтин Судаарыстыбаннаһын күнүнэн

Бүгүн Саха Өрөспүүбүлүкэтин Судаарыстыбаннаһын күнүнэн

улуус баһылыга Дмитрий Тихонов,

улуус депутаттарын Сэбиэтин бэрэссэдээтэлэ Иннокентий Андросов,

баһылыгы бастакы солбуйааччы Василий Михайлов,

улуустааҕы үөрэҕирии салалтатын салайааччыта Гаврил Толстяков

бары ытыктыыр, тумус туттар салайааччыларбыт үтүө ааттарыгар сүгүрүйэн, кинилэр ыыппыт үлүскэн үлэлэрин ахтан-санаан туран чулуу дьоммут пааматынньыктарыгар сибэкки дьөрбөлөрүн уурдулар.

Ол курдук, Бастакы Тыыллыма нэһилиэгэр Семен Захарович Борисов,

Хара нэһилиэгэр Айаал Иванович Степанов уонна Иннокентий Гаврилович Игнатьев,

Ходороҕо Василий Васильевич Скрябин,

Майа сэлиэнньэтигэр Филипп Гаврильевич Охлопков,

академик Владимир Петрович Ларионов,

Иван Гаврильевич Тимофеев,

Тараҕай нэһилиэгэр Роберт Андреевич Бурнашов,

Аллараа Бэстээххэ Александр Афанасьевич Романов,

Бүтэйдээх нэһилиэгэр Кузьма Осипович Гаврилов курдук хас саха омуга киэн туттар дьоммут бүүстэригэр кинилэр биһиэхэ суолталарын, ыыппыт таһаарыылаах үлэлэрин кэлэр кэнэҕэски ыччакка өйдөтөр-үөрэтэр аналлаах тэрээһиннэр ыытылыннылар.

Улуус баһылыга Дмитрий Тихонов Судаарыстыбаннас сайдыыта хас биирдии үөрэнээччи үөрэҕин толору ылыныытыгар, хас биирдии киһи таһаарыылаах үлэтин түмүгэр сытарын бэлиэтээтэ уонна улуу дьоммут холобурдарынан, үлэҕэ, үөрэххэ үгүс ситиһиилэрдээх, төрөөбүт дойдуларын дьиҥнээх патриоттара буолан үгүс ыччат үүнэн-сайдан тахсалларыгар баҕарда.

Мэҥэ Хаҥалас улууһун дьаһалтатын пресс-сулууспата