Бүгүн, сэтинньи 24 күнүгэр.

Бүгүн, сэтинньи 24 күнүгэр, Дьокуускай куоракка "Триумф" спорт уораҕайыгар Алексей Никифоров - Өлөксөй сырдык кэриэһигэр "Боотурдар оонньуулара -2023" сахалыы многоборьеҕа өрөспүүбүлүкэтээҕи күрэскэ биһиги улууспут хамаандата үрдүк таһымнаахтык кытынна.

Кыттыыны ыллылар:

⁃ Константин Иванов

⁃ Николай Сивцев

⁃ Арсен Федоров

⁃ Иван Устинов

⁃ Денис Максимов

Өрөспүүбүлүкэбит араас муннугуттан барыта 16 хамаанда күөн көрүстэ. Үс төгүл үс, тутум эргиирэ, мас тардыһыы, өһөс торбос, балык былдьаһыыта, хапсаҕай, хомуур хапсаҕай, канат тардыһыыта көрүҥнэргэ сытыы, тыҥааһыннаах киирсиилэри көрдөрдүлэр.

Түмүккэ биһиги улуус боотурдара иккис миэстэни ылары ситистилэр. Икки очукуонан баһыйан бастакы миэстэ Үөһээ Бүлүү, онтон үһүс Кэбээйи хамаандалара буоллулар.

Уолаттарбытыгар бүгүҥҥү ситиһиигитинэн итиитик-истиҥник эҕэрдэлиибит. Инникитин даҕаны кыайыылар-хотуулар кэлэ турдуннар!

Мэҥэ Хаҥалас улууһун дьаһалтатын пресс-сулууспата