Бүгүн улуус баһылыгын бастакы солбуйааччы Василий Михайлов Майа сэлиэнньэтигэр ыал истиҥ ийэтин.

Бүгүн улуус баһылыгын бастакы солбуйааччы Василий Михайлов Майа сэлиэнньэтигэр ыал истиҥ ийэтин, эйэҕэс эбэтин Тамара Николаевна Чемпосованы үбүлүөйдээх 90 сааһын туолбутунан эҕэрдэлээтэ.

Ытык кырдьаҕаспытыгар «Майа сэлиэнньэтэ» тыа сирин түөлбэтин баһылыгын эбээһинэһин толорооччу Вячеслав Санников «Майа – дойдум барахсан» бэлиэни туттарда.

Тамара Николаевна уһун дьоллоох олоҕу олорбут тыыл, үлэ бэтэрээнэ. Култуура, сибээс, доруобуйа харыстабылын эйгэлэригэр өр сылларга үтүө суобастаахтык үлэлээбитэ.

Үгүс грамоталара, махтал, эҕэрдэ суруктара, наҕараадалара бу барыта кини дьонун, дойдутун туһугар ис сүрэҕиттэн чиэһинэйдик үлэлээбитин туоһулуур, кэрэһэлиир.

Тамара Николаевна икки оҕоҕо күн сирин көрдөрөн билигин элбэх сиэн, хос сиэн эбэтэ буолан, кинилэр сылаас тапталларыгар бигэнэн нус бааччы олорор.

Баҕарыаҕыҥ Тамара Николаевнаҕа, кини чугас дьонугар чэгиэн-чэбдик доруобуйаны, этэҥҥэ сылдьыыны, ыраас халлааны, бары үчүгэйи!

Мэҥэ Хаҥалас улууһун дьаһалтатын пресс-сулууспата