Бүгүн улууспут бары оскуолаларыгар бэлиэ күн буолла. Ол курдук алын сүһүөх.

Бүгүн улууспут бары оскуолаларыгар бэлиэ күн буолла. Ол курдук алын сүһүөх, орто сүһүөх уонна оскуоланы бүтэрээччилэргэ олох саҥа кэрчигэр хардыылыыры бэлиэтиир тиһэх чуораан чугдаарда.

Бу үөрүүлээх, өйдөбүнньүк күнүнэн үөрэнээччилэри, учууталлары, төрөппүттэри

бары 36 оскуолаларбытыгар улуус дьаһалтатын бэрэстэбиитэллэрэ тиийэн эҕэрдэлээтилэр,

уһулуччу чулуу, араас хайысхаларынан үрдүк ситиһиилэрдээх, оскуолаларын, улууспут аатын өрөспүүбүлүкэ, Арассыыйа таһымыгар ааттаппыт үөрэнээччилэргэ наҕараадалары туттардылар.

Күндү выпускниктарбыт!

Тургутууну этэҥҥэ ааһаҥҥыт, ситии-хотуу аттестатын илиигитигэр тутаҥҥыт олох киэҥ аартыгар эрэллээхтик үктэнин.

Бэйэҕит баҕарар үөрэххитигэр киирэҥҥит, идэҕитин баһылаан улуускутугар, өрөспүүбүлүкэҕитигэр, дойдугутугар туһалаах, үтүө үлэһит дьон буолан тахсаргытыгар баҕарабыт!

Мэҥэ Хаҥалас улууһун дьаһалтатын пресс-сулууспата