Быйыл биһиги улууска судаарыстыбаннай социальнай хантыраак бырагырааматынан көмөнү көрүүгэ 482 квота бэриллибит. Билиҥҥи туругунан, улахан аҥаара тыырыллан.

Быйыл биһиги улууска судаарыстыбаннай социальнай хантыраак бырагырааматынан көмөнү көрүүгэ 482 квота бэриллибит. Билиҥҥи туругунан, улахан аҥаара тыырыллан, 165 квота көрүллэрэ хаалбыт.

Социальнай хантыраак сэттэ көрүҥүнэн арахсан үллэриллэр. Ол курдук:

⁃ үлэ көрдөнөр дьоҥҥо,

⁃ бэйэ дьыалатын тэриниигэ,

⁃ кэтэх хаһаайыстыбатын сайыннарыыга,

⁃ инбэлиит дьоҥҥо бэйэ дьыалатын тэриниигэ уонна кэтэх хаһаайыстыбаны сайыннарыыга,

⁃ ыарахан усулуобуйаҕа түбэспиттэргэ,

⁃ үлэлиир саастаах уонна анал үөрэхтээх инбэлиит дьоҥҥо,

⁃ оҕону сайыннарыыга.

Саҥа хайысханан оҕону сайыннарыыга ананар көмө буолар. Билиҥҥи туругунан, 130 квота аһаҕас.

Бу көмө оҕолоох дьиэ кэргэҥҥэ бэриллэр, ирдэбилэ диэн – оҕо пособиетын 100% ылар, ол үрдүнэн дохуоттара тиийинэн олоруу алын кээмэйиттэн кыра буолуохтаах.

Маны оҕо былаһааккатыгар, үөрэххэ аналлаах малларга, эт-хаан өттүнэн сайдар эйгэни тэрийиигэ туһаныахха сөп.

Ону тэҥэ үлэ көрдүүр кыра дохуоттаах дьоҥҥо көмө көрүллэр.

Үлэ көрдөнөр кэмҥэ 1 тиийинэн олоруу алын кээмэйин биэрэллэр.

Булбут үлэтигэр анал үөрэххэ үөрэнии ирдэнэр буоллаҕына, лицензиялаах тэрилтэҕэ 3 ыйга 30 тыһыынча солкуобайга диэри төлөнөр уонна үөрэнэр кэмигэр стипендия көрүллэр.

Үлэ биэрээччини кытта стажировка дуогабара баттаннаҕына, 3 ыйга диэри стажировка хамнаһын төлүүллэр.

Тутатына үлэҕэ киирдэҕинэ, 3 ый тиийинэн олоруу алын кээмэйэ төлөнөр.

Сиһилии социальнай харалта салаатыттан билсиэххитин сөп:

IP 8-398300-809055 клиентскай сулууспа,

8-398300-809059 социальнай хантыраакка туһуланар.

Мэҥэ Хаҥалас улууһун дьаһалтатын пресс-сулууспата