Дойду Бэрэсидьиэнэ Владимир Путин ыйааҕынан бүтүн дойду үрдүнэн тыа сирин гааһынан хааччыйыы үлэтэ ыытыллар.

Дойду Бэрэсидьиэнэ Владимир Путин ыйааҕынан – бүтүн дойду үрдүнэн тыа сирин гааһынан хааччыйыы үлэтэ ыытыллар.

Биһиги улууспутугар гаастаах нэһилиэктэрбитигэр сыллааҕы былааҥҥа киирбит сайаапкаларынан үлэ бара турар.

Атырдьах ыйын 8 күнүгэр улуус баһылыгын тутууга солбуйааччыта Василий Филиппов гаас ситимин тардыыга тустаах исписэлиистэри кытта Хара нэһилиэгин, Майа сэлиэнньэтин сиригэр-уотугар быйыл саҥа дьиэ-уот туттан гаас ситимин киллэрбит, киллэрэн эрэр эдэр ыаллары, социальнай газификация бырагырааматыгар хапсыбыт олохтоохтору кытта көрүстүлэр.

Оробуочай бөлөх Үрдьүҥэхтээххэ, Хара нэһилиэгэр, Майа сэлиэнньэтигэр сырытта. Олохтоохтору кытта көрүстэ, гаас киириитигэр туох ыйытыктар баалларын билистэ. Дьон-сэргэ мунаарар боппуруостарыгар хоруйдаатылар, ханна-хайдах тиийэн докумуон ситэриитин-хоторуутун саас сааһынан сырдаттылар-быһаардылар. Көннөрү уопсай газификациялааһын таһынан, социальнай газификация үлэтин хаамыыта биир тэҥҥэ барсан иһэр. Ол курдук, салайааччылар көрсөн кэпсэппит дьоно сүрүннээн бу көмөҕө тиксибит элбэх оҕолоох эдэр ыал, гаастарын утаҕа тардыллан, систиэмэтэ дьиэҕэ киирэн үөрүүлэрэ үгүс.

Түмүккэ бөлөх Майа алааһыгар тахсан, саҥа түөлбэ сирин-уотун көрдө-иһиттэ. Былаан быһыытынан, манна төһөнөн элбэх ыал дьиэ туттан киирэр даҕаны, оччонон түргэнник гаас ситимэ киириэхтээх.

Мэҥэ Хаҥалас улууһун дьаһалтатын пресс-сулууспата