ИВАН ПЕТРОВИЧ ПТИЦЫН СЫРДЫК КЭРИЭҺИГЭР ЫЫТЫЛЛЫБЫТ ӨРӨСПҮҮБҮЛҮКЭТЭЭҔИ ВОЛЕЙБОЛ ЧЕМПИОНАТЫН КЫАЙЫЫЛААХТАРА ААТТАННЫЛАР

ИВАН ПЕТРОВИЧ ПТИЦЫН СЫРДЫК КЭРИЭҺИГЭР ЫЫТЫЛЛЫБЫТ ӨРӨСПҮҮБҮЛҮКЭТЭЭҔИ ВОЛЕЙБОЛ ЧЕМПИОНАТЫН КЫАЙЫЫЛААХТАРА ААТТАННЫЛАР

Кулун тутар 13-16 күннэригэр Аллараа Бэстээх «Парус» спорт уораҕайыгар РФ үөрэҕириитин бочуоттаах үлэһитэ, СӨ Үөрэҕириитин туйгуна, СӨ норуотун хаһаайыстыбатын үтүөлээх үлэһитэ, "Гражданскай килбиэн", "Майа ‒ дойдум барахсан" бэлиэлэр хаһаайына, Мэҥэ Хаҥалас улууһун, Майа сэлиэнньэтин, Хорообут, Мөҥүрүөн нэһилиэктэрин бочуоттаах олохтооҕо Иван Петрович Птицын сырдык кэриэhигэр дьахталлар хамаандаларын ортолоругар «Үрдүкү лига» өрөспүүбүлүкэтээҕи волейбол чемпионата ыытылынна.

Өрөспүүбүлүкэ аҕыс күүстээх хамаандаларын түөрт күннээх күөн көрсүүлэрин түмүгүнэн:

I миэстэҕэ – Уус Алдан улууһа,
II миэстэҕэ – Дьокуускай куорат,
III миэстэҕэ – Мэҥэ Хаҥалас хамаандата таҕыстылар.

IV миэстэ – Чурапчы улууһа,
V миэстэ – Ньурба улууһа,
VI миэстэ – Нам улууһа,
VII миэстэ – Мииринэй куорат,
VIII миэстэ – Амма улууһа.

Анал аат хаһаайыннарынан буоллулар:

«Бастыҥ оонньооччу» - Мичийэ Калининская, Уус-Алдан улууһа,
«Бастыҥ көмүскээччи» - Анжелика Федорова, Дьокуускай куорат,
«Инникилээх оонньооччу» - Аэлита Бурнашева, Чурапчы улууһа,
«Бастыҥ быраҕааччы» - Дария Владимирова, Мэҥэ Хаҥалас улууһа,
«Бастыҥ охсооччу» - Дария Апросимова, Мэҥэ Хаҥалас улууһа,
«Туһалаах оонньооччу» - Анна Готовцева, Уус Алдан улууһа.

Күрэх бастыҥ судьуйатынан Гаврил Захаров ааттанна.

Күрэх тэрийээччилэрэ, Иван Петрович дьиэ кэргэнэ күрэх этэҥҥэ аһаарыгар, үрдүк таһымҥа ыытылларыгар үлэлэспит, бириис туруорбут бар дьоммутугар махталларын биллэрдилэр.

Кыргыттарбытыгар Валерия Захароваҕа, Милена Ефимоваҕа, Дария Владимироваҕа, Валерия Хастаеваҕа, Серафима Быккасоваҕа, Наталия Гороховаҕа, Евдокия Соловьеваҕа, Анна Борисоваҕа, Алена Дмитриеваҕа, Света Степановаҕа, Дария Апросимоваҕа, Сандаара Тихоноваҕа, хамаанда тириэньэригэр Айаал Аргуновка, улуустааҕы волейбол федерациятыгар, салайааччы Василий Михайловка улууспут бары олохтоохторун ааттарыттан итии-истиҥ эҕэрдэбитин уонна улууспут спордун историятыгар умнуллубат күнү бэлэхтээбиккитигэр улахан махталбытын тиэрдэбит!

Инникитин даҕаны үрдүк ситиһиилэр, кыайыылар кэлэ турдуннар!

Мэҥэ Хаҥалас улууһун дьаһалтатын пресс-сулууспата