КУЛТУУРА УОННА СПОРТ ЭСТЭПИЭТЭТИН КЫАЙЫЫЛААХ НЭҺИЛИЭКТЭРЭ ААТТАННЫЛАР

КУЛТУУРА УОННА СПОРТ ЭСТЭПИЭТЭТИН КЫАЙЫЫЛААХ НЭҺИЛИЭКТЭРЭ ААТТАННЫЛАР

Кулун тутар 19 күнүгэр Д.Ф. Ходулов аатынан Култуура киинигэр улууспутугар 68-с төгүлүн ыытыллар В.К. Степанов аатынан Култуура уонна спорт эстэпиэтэтин кыайыылаах нэһилиэктэрин лауреаттарын кэнсиэрэ дьону-сэргэни түмтэ.

Быйылгы эстэпиэтэ Баһылай Манчаары төрөөбүтэ 220, Мэҥэ Хаҥалас улууһа төрүттэммитэ 95 уонна Улуу Кыайыы 80 сылларыгар ананан "Түмсүөҕүҥ, сомоҕолоһуоҕуҥ-эйэлээх олоҕу тутуоҕуҥ!" диэн дэбиистээх киэҥ далааһыннаахтык ыытылынна.

Улуус баһылыга Дмитрий Тихонов талба талааннаах, спорду өрө тутар, дьону-сэргэни кэрэҕэ угуйар үтүө дьоммутун эҕэрдэлээн туран үөрүүлээх быһыыга кыайыылаах нэһилиэктэргэ бөлөхтөрүнэн наҕараадалары туттарда.

Үһүс бөлөх кыайыылаахтара:

I миэстэ – Мөҥүрүөн нэһилиэгэ.
II миэстэ – Холгума нэһилиэгэ.
III миэстэ – Араҥас нэһилиэгэ.

Иккис бөлөх кыайыылаахтара:

I миэстэ – Дьабыыл нэһилиэгэ.
II миэстэ – 1-кы Наахара нэһилиэгэ.
III миэстэ – Ходоро нэһилиэгэ.

Бастакы бөлөх кыайыылаахтара:

I миэстэ – Төҥүлү нэһилиэгэ.
II миэстэ – Хара нэһилиэгэ.
III миэстэ – Аллараа Бэстээх бөһүөлэгэ.

Улууспут киэн туттуута, дьону-сэргэни түмэр, сүргэтин көтөҕөр тэрээһиҥҥэ кыайыылаах нэһилиэктэрбитигэр итии-истиҥ эҕэрдэбитин тиэрдэбит!

Мэҥэ Хаҥалас улууһун дьаһалтатын пресс-сулууспата