Күн иккис аҥарыгар түһүлгэлэринэн арахсан олоҥхо этиитигэр, хомуска, саха таҥаһыгар, оһуохай таһаарыытыгар.

Күн иккис аҥарыгар түһүлгэлэринэн арахсан олоҥхо этиитигэр, хомуска, саха таҥаһыгар, оһуохай таһаарыытыгар, норуот тылынан уус-уран айымньытын күрэхтэрэ ыытылыннылар.

Ороссолуода нэһилиэгин тимир ууһа Роман Иванов хомус тылын сөптөөхтүк туруорууга маастар-кылаас көрдөрдө.

Оскуола оҕолоро саастарынан арахсан сүүрүү, хапсаҕай, кэрэ аҥардар сүүрүү, эр дьон многоборье көрүҥнэригэр илин-кэлин түһүстүлэр.

«Ойор күннээх орто дойдуну хоһуйдахпыт буоллун!» И.И. Бурнашев – Тоҥ Суорун 155 сылыгар аналлаах олоҥхону толоруу күөн-күрэҕэр биирдиилээн толорууга 16, бөлөҕүнэн толорууга 5 кыттааччы Таатта, Чурапчы, Мэҥэ Хаҥалас улуустарыттан, Дьокуускай куораттан кэлэннэр күөн көрүстүлэр.

Икки күннээх күрэх кэнниттэн биирдиилээн толорууга

1 миэстэ – Аксинья Степанова (Аллараа Бэстээх)

2 миэстэ – Прасковья Лебедева (Табаҕа)

3 миэстэ – Станислав Иванов (Майа),

бөлөҕүнэн толорууга

1 миэстэ – «Түһүлгэ түһүмэхтэрэ» (Таатта)

2 миэстэ – «Алаһа дьоҕурдара» (Дьокуускай)

3 миэстэ – «Айыллыы» (Аллараа Бэстээх) буоллулар.

Бастыҥ толорууну таһааран 1-кы Тыыллыма нэһилиэгиттэн Виталий Никифоров, бөлөҕүнэн толорууга Майа сэлиэнньэтиттэн «Айыллыат» бөлөх улуустааҕы Олоҥхо ыһыаҕын КЫЛААН КЫАЙЫЫЛААХТАРЫНАН ааттаннылар.

Мэҥэ Хаҥалас улууһун дьаһалтатын пресс-сулууспата