«КҮҮСТЭЭХ ДЭҺЭЭККИН» ҮС ТӨГҮЛЛЭЭХ ЧӨМПҮЙҮӨННЭРЭ

Олунньу 29 кулун тутар 3 күннэригэр Хаҥалас улууһун Покровскай куоратыгар Спорт дыбарыаһыгар эр дьоҥҥо, дьахталларга, бэтэрээннэргэ мас тардыһыытыгар биирдиилээн уонна хамаанданан бастыыр иһин Г.Р. Десяткин Күүстээх Дэһээккин бирииһигэр өрөспүүбүлүкэтээҕи чөмпүйэнээт ыытылынна.

Өрөспүүбүлүкэ араас муннуктарыттан барыта 25 хамаанда кыттыыны ылла. Биһиги улууспут 43 спортсменын улуустааҕы спорт уонна физическэй култуура салалтатын салайааччыта Алексей Попов илдьэ сырытта.

Ыйааһынынан биирдиилээн бастыыр иһин хапсыһыыларга

эр дьоҥҥо

60 киилэҕэ Артур Жирков (Моорук) иккис төгүлүн чөмпүйүөн,

70 киилэҕэ аан дойдутааҕы кылаастаах мадьыны Валерий Никаноров (Наахара) II миэстэ,

80 киилэҕэ СӨ спордун маастара Андрей Винокуров (Балыктаах) I миэстэ,

80 киилэҕэ СӨ спордун маастара Алексей Федоров (Чыамайыкы) III миэстэ,

90 киилэҕэ Афанасий Платонов (Аллараа Бэстээх) төрдүс төгүлүн чөмпүйүөн,

бэтэрээннэргэ

85 киилэҕэ хамаанда хапытаана Максим Марков итэҕэллээхтик I миэстэ,

дьахталларга 50 киилэҕэ Анастасия Алексеева (Табаҕа) иккис төгүлүн өрөспүүбүлүкэ чөмпүйүөнэ,

55 киилэҕэ СӨ спордун маастара Татьяна Томская (Сыымах) III миэстэ,

55 киилэҕэ СӨ спордун маастара Анастасия Соколова (Наахара) III миэстэ,

60 киилэҕэ Манчаары оонньууларын чөмпүйүөнэ Анна Охлопкова (Сыымах) үһүс төгүлүн өрөспүүбүлүкэ чөмпүйүөнэ,

65 киилэҕэ Европа чөмпүйүөнэ Кэрэчээнэ Бродникова күүстээх састаапка өрөспүүбүлүкэ чөмпүйүөнэ,

75 киилэҕэ Лия Плотникова (Мэлдьэхси) III миэстэ буоллулар.

Түөрт күннээх хапсыһыы түмүгүнэн улууспут хамаандата сэттэ чөмпүйүөннээх, биэс призердаах 126 очкуону ылан чөмпүйэнээт МУҤУТУУР КЫАЙЫЫЛААХТАРЫНАН ааттанна.

Иккис миэстэҕэ 136 очкуолаах Хаҥалас улууһун хамаандата, үһүс миэстэҕэ 164 очкуону ылан Уус Алданнар таҕыстылар.

Сыраларын ууран, көмүс көлөһүннэрин тоҕон улууспут аатын чиэстээхтик көмүскээбит спортсменнарбытыгар үһүс төгүлүн чөмпүйүөннэр үрдүк ааттарын сүкпүккүтүнэн истиҥ эҕэрдэбитин тиэрдэбит!

Мэҥэ Хаҥалас улууһун дьаһалтатын пресс-сулууспата