ЛООМТУКАЛАР ГААС СИТИМЭ ТАРДЫЛЛАРЫН КӨҺҮТЭ КҮҮТЭЛЛЭР

ЛООМТУКАЛАР ГААС СИТИМЭ ТАРДЫЛЛАРЫН КӨҺҮТЭ КҮҮТЭЛЛЭР

1-кы Тыыллыма нэһилиэгэр улуус баһылыгын Дмитрий Тихонов отчуотун истэ 83 киһи муһунна.

Олохтоохтор долгуйар боппуруостарын отчуот бөлөҕөр баар эппиэттээх үлэһиттэргэ биэрдилэр. Ол курдук,

эдэр ыаллары дьиэнэн хааччыйыы бырагыраама квотатын,

тыа хаһаайыстыбатын сайыннарыыга көрүллэр субсидиялары, төбөтүнэн ылар киһи тоҕо үүт туттарара бобулларын, гаас ситимэ хаһан тардылларын ыйыталастылар.

Уот линиятыгар уонна кулууптарыгар өрөмүөн үлэтин туруорустулар.

Сүөһүбүт төбөтүн элбэтиэхпитин сир тиийбэт, ынаҕа сүөһүтэ, хаһаайыстыбата суох дьонтон сирдэрин атыылаһан ылыахха сөп дуо диэн ыйытыыларын туруордулар.

Бэйэни ииттинэр сыалы ситиһэн хаһаайыстыбаларбыт, тэрилтэлэрбит бэйэ оҥорон таһаарар бородууксуйаларынан улуус маҕаһыыннарын хааччыйан нэһилиэнньэҕэ ыраас састааптаах бэйэ аһа тарҕанара буоллар диэн этиилэрин киллэрдилэр.

Мэҥэ Хаҥалас улууһун дьаһалтатын пресс-сулууспата