Мэҥэ Хаҥаластааҕы ОДьКХ Коммунтеплосбыт учаастага иһитиннэрэринэн, бэс ыйын 1 күнүнээҕи туругунан, нэһилиэнньэ коммунальнай өҥө иһин төлөбүрүн иэһэ 29 709 897.

Мэҥэ Хаҥаластааҕы ОДьКХ «Коммунтеплосбыт» учаастага иһитиннэрэринэн, бэс ыйын 1 күнүнээҕи туругунан, нэһилиэнньэ коммунальнай өҥө иһин төлөбүрүн иэһэ 29 709 897,12 солкуобайга тэҥнэстэ.

Хомойуох иһин, бу сыыппаралар нэһилиэнньэ ортотугар төлөбүр дьиссипилиинэтэ намыһаҕын көрдөрөр.

Коммунальнай өҥөнү төлүүр ньымалар:

Ыйдааҕы көрдөрүүлэри этэн суоттатан баран, “Квартплата+” диэн приложениенан, “Сбербанконлайн”, “Алмазэргиэнбаан”, “Арассыыйа почтата” нөҥүө төлөбүрү оҥоруохха сөп.

Ону тэҥэ ый 20-25 чыыһылаларыгар “Ватсап” социальнай ситимҥэ 89244615877 чат-ботка киирэн дорооболоһор илии ыыттаххытына, салгыы даннайгытын биэрэн, счетчиккыт көрдөрүүлэрин суруйан түргэнник суоттатыаххытын сөп.

Эбэтэр ый 5-25 чыыһылаларыгар көрдөрүүлэринэн кассаҕа эрийэн билсиэххитин сөп.

Төлөпүөн нүөмэрдэрэ:

41-671 Майа сэлиэнньэтэ кассата

47-714 Аллараа Бэстээх кассата

Мэҥэ Хаҥалас улууһун дьаһалтатын пресс-сулууспата