Наркотик тарҕаныыта, сокуоннайа суох эргиирин кытта сибээстээх холуобунай дьайыылар, эргиниилэр уопсастыбаҕа үөскээбит өй-санаа, быһыы-майгы ирдэбиллэрин кэһэллэрин таһынан, дьон санаатын.

Наркотик тарҕаныыта, сокуоннайа суох эргиирин кытта сибээстээх холуобунай дьайыылар, эргиниилэр уопсастыбаҕа үөскээбит өй-санаа, быһыы-майгы ирдэбиллэрин кэһэллэрин таһынан, дьон санаатын, ис туругун айгыраталлар уонна дойду көмүскэллээх буолуутугар кутталы суоһаталлар.

Ис дьыала министиэристибэтин наркотигы хонтуруоллуур салаатын үлэһиттэринэн Мэҥэ Хаҥалас улууһугар бу сыл ааспыт 10 ыйын устата уопсайа 14 буруйу кэһии, наркотическай сириэстибэлэри былдьааһын 18 түбэлтэтэ бэлиэтэннэ.

Атырдьах ыйыгар «МАК-2023» суһал-сэрэтэр эпэрээссийэ чэрчитинэн сиргэ үүнэр дьиикэй көлөпүнэни хомуйа сылдьар 4 киһи тутулунна, РФ уголовнай кодексын 228 ыстатыйатын 2 чааһынан икки холуобунай дьыала тэриллибит.

Суһал-көрдүүр тэрээһин кэмигэр 1987 сыллаах төрүөх улууспут олохтооҕо дьиэтигэр анал теплица оҥостон көлөпүнэни үүннэрэн тутуллубут. Сиэмэтин интернет ситиминэн сакаастаабыта биллибит.

Бу уон ый устата улууспутугар наркотигы туттан 9 киһи, эмтэнииттэн куотунан 2 киһи, наркотигы харайыыттан 5 киһи административнай эппиэтинэскэ тардыллыбыттар. Суутка 11 дьыала ыытыллыбыт.

Билиҥҥи туругунан, РФ УК 228 ыстатыйатынан уонна РФ КоАП 6.9 ыстатыйатынан миэрэҕэ тардыллыбыт, профилактическай учуокка турар 29 киһи баарыттан 8 – наркозависимай, 21 – профилактическай учуокка турааччы.

Наркотиктааһын, наркотигы тарҕатыы, сокуоннайа суох эргитинии бу биһиги да улууспутугар баар кыһалҕа буолара чахчы. Манна хараҕы сабар сатаммат.

Наркотик киһи доруобуйатын сүһүрдэрин, куһаҕан содулларын туһунан бары кэриэтэ билэбит. Дойдуга дьон ахсаана, ол эбэтэр чэгиэн туруктаах кэнчээри ыччат төрөөһүнэ уонна дьон өлүүтэ бу мөкү көстүү тарҕаныытыттан эмиэ тутулуктаах.

Хас биирдиибит наркотик тарҕанар түбэлтэлэрин истибит-билбит буоллаҕына, тутатына быраабы көмүскүүр уорганнара тыллыахтаах. Барыбыт күүспүтүн түмтэхпитинэ эрэ бу куһаҕан дьайы утары ыытар үлэбит ситиһиилээх буолуо.

Мэҥэ Хаҥалас улууһун дьаһалтатын пресс-сулууспата