Нөөрүктээйигэ саахымат турнира ыытылынна

Бүгүн, балаҕан ыйын 2 күнүгэр, Нөөрүктээйи нэһилиэгэр саахымат көрүҥэр улуустааҕы турнир ыытылынна.
Манна Майа сэлиэнньэтиттэн, Аллараа Бэстээх бөһүөлэгиттэн, Дьаҥхаады, Төҥүлү, Мэлдьэхси, Доллу, Нөөрүктээйи нэһилиэктэриттэн уопсайа 27 кыттааччы биирдиилээн бастыыр иһин күөн көрүстүлэр.

Күрэх суоппар, кадровай булчут, Кеша Алексеев аатынан бириэмийэ лауреата, саахымакка улуус хас да төгүллээх чөмпүйүөнэ, призера
Владимир Ильич Абрамов төрөөбүтэ 75 сылыгар ананан тэрилиннэ.

Турнир үөрүүлээх арыллыыта Владимир Ильич олоҕун туһунан сырдатыыттан саҕаланна.
Улуус дьаһалтатын үлэтин тэрийэр уонна үлэһиттэрин салайар салаа салайааччыта Станислав Захаров кыттааччылары эҕэрдэлээн туран, Владимир Ильич оҕолоругар улуус таһымнаах күрэҕи тэрийбиттэринэн баһылык Дмитрий Тихонов махтал суругун туттарда.

6 чаастаах турнир кэнниттэн саастарынан арахсан кыайыылаахтары быһаардылар.
Ол курдук:

дьахталларга
I миэстэШишигина У.С. (Майа)
II миэстэИванова О.С. (Мэлдьэхси)
III миэстэНиколаева И.Д. (Майа)

эр дьоҥҥо
18-65 саастарыгар диэри
I миэстэСидоров Н.Д. (Аллараа Бэстээх)
II миэстэКолосов Т.И. (Майа)
III миэстэЦыпандин П.И. (Майа)

65 саастарыттан үөһэ
I миэстэКлиментов Н.Р. (Майа)
II миэстэБочкарев Н.П. (Нөөрүктээйи)
III миэстэНикифоров Н.М. (Төҥүлү)
IV миэстэ Кириллин К.С. (Нөөрүктээйи)

Ону таһынан, анал ааттар туттарылыннылар. Кэлбит кыттааччылар бары бириискэ тиксэн үөрэн-көтөн, астынан тарҕастылар.

Мэҥэ Хаҥалас улууһун дьаһалтатын пресс-сулууспата