ОЛОХТООХ КӨҔҮЛЭЭҺИННЭРИ ӨЙҮҮР БЫРАЙЫАКТАРЫ ТАЛЫЫ САҔАЛАННА

ОЛОХТООХ КӨҔҮЛЭЭҺИННЭРИ ӨЙҮҮР БЫРАЙЫАКТАРЫ ТАЛЫЫ САҔАЛАННА

 

Мэҥэ Хаҥалас улууһугар олохтоох көҕүлээһиннэри өйүүр бырагыраама нэһилиэнньэ социальнай суолталаах тыын боппуруостарын быһаарар биир сүрүн хайысханан буолар.



Бу күннэргэ улууспут бары нэһилиэктэригэр 2025 сылга федеральнай бырагараама чэрчитинэн олохтоох көҕүлээһини өйүүр бырайыактары талыы саҕаланна.

2018 сылтан бырагараама нөҥүө биһиги улууспутугар уопсайа 435,6 мөлүйүөн суумалаах 223 бырайыак үлэҕэ киирдэ.

Ол курдук:

 

* 4 спорт уонна 7 оҕо оонньуур былаһаакката,

* 19 маассабай тэрээһиннэри ыытар миэстэлэр,

* 44 искибиэр уонна эбийиэктэри тупсарыы үлэтэ,

* 37 уунан хааччыйыы,

* 11 уот, ититии, гааһынан хааччыы эбийиэктэрэ,

* 9 сырдатыыга туһуланар бырайыактар,

* 23 суол өрөмүөнэ ыытылынна,

* 8 үөрэхтээһин эбийиэгэ,

* 4 култуура киинэ,

* 4 спорт саалата оҥоһулуннулар,

* 26 анал тиэхиньикэ ылынылынна уонна да атын олохтоох боппуруостары быһаарар бырайыактар.

 

Улууспут бары олохтоохторун кэлэр сыллааҕы бырайыактары өйүүргэ, нэһилиэктэрбитигэр тупсаҕай көстүүлээх, табыгастаах эйгэ тэриллэригэр социальнай ситиминэн кэлэр куоластааһыннарга уонна ыытыллар мунньахтарга көхтөөхтүк кыттаргытыгар ыҥырабыт.

Мэҥэ Хаҥалас улууһун дьаһалтатын пресс-сулууспата