ӨЛҮӨНЭ ӨРҮҺҮ ТУОРАТАР СУУДУНАЛАР СЫРЫЫЛАРЫН БОЛДЬОҔО

ӨЛҮӨНЭ ӨРҮҺҮ ТУОРАТАР СУУДУНАЛАР СЫРЫЫЛАРЫН БОЛДЬОҔО

Күн-дьыл туруга тымныйан тоҥоруу саҕаланна, ону кытта «Аллараа Бэстээх - Дьокуускай» хайысханан уу сырыыта сабыллар кэмэ чугаһыыр. Бүгүн бу боппуруоһунан өрүһү туоратар суудуналар өҥөлөрүн билистибит.



Бүгүҥҥү күнтэн түргэн сырыылаах мотордаах лодкалар сыаналара үрдээн 1000 солкуобайга тэҥнэспит, сарсыарда 07:00 чаастан киэһэ 18:00 чааска диэри тохтоло суох сылдьаллар.

Быһа холоон алтынньы 20-с чыыһылаларыгар диэри сылдьа сатыахпыт, ол кэнниттэн салгын олбохтоох суудуналарга көһүөхпүт диэн үлэһиттэр этэллэр.

«Рукавишников» теплоходка бырайыас сыаната 400 солкуобай, оҕолорго 5 саастарыгар диэри босхо, 5-12 саастаахтарга 200 солкуобай,

Аллараа Бэстээхтэн 10:45, 16:00 чаастан,

Дьокуускайтан 09:00, 14:30 чаастан айанныыр.

«Ленатурфлот» хампаанньа салгын олбохтоох суудуналарын өҥөтүн сыаната 1000 солкуобай,

7 саастарыгар диэри оҕолорго босхо, 7-лэриттэн 10-нарыгар диэри 500 солкуобай . Араспысаанньата:

Аллараа Бэстээхтэн 09:50, 11:10, 12:40, 14:50, 16:30, 17:30, Дьокуускайтан 09:15, 10:30, 11:50, 13:20, 16:00, 17:00 чаастан айанныыр.

«Аллараа Бэстээх – Дьокуускай – Аллараа Бэстээх» хайысханан билигин паромнар уларыйыыта суох күннэтэ сарсыарда 5:00 чаастан түүн 24:00 чааска диэри үлэлииллэр, тарыып үрдээһинэ бэлиэтэммэт.

Күн-дьыл туругуттан, кыдьымах тахсарыттан көрөн төһө кыалларынан сылдьа сатыахпыт диэн иһитиннэрдилэр.

Хаайтарыы кэмигэр 30 Хивус уонна 8 Тайфун салгын олбохтоох суудуналар сылдьаллара былааннанар.

Ону тэҥэ СӨ транспорга уонна суол хаһаайыстыбатыгар министиэристибэтин бирикээһинэн алтынньы 7 күнүттэн чааһынай, кэмиэрчискэйэ суох суудуналар ууга тахсыылара бобуллубута.

Бэрээдэги кэһээччилэргэ 5000-10000 солкуобайдаах ыстараап олохтонуон сөп.

Мэҥэ Хаҥалас улууһун дьаһалтатын пресс-сулууспата