ӨРҮС СУОЛА САБЫЛЛЫБЫТЫНАН СЭРЭТЭР, ХОНТУРУОЛЛУУР ҮЛЭ ТУЛА СҮБЭ МУННЬАХ

ӨРҮС СУОЛА САБЫЛЛЫБЫТЫНАН СЭРЭТЭР, ХОНТУРУОЛЛУУР ҮЛЭ ТУЛА СҮБЭ МУННЬАХ

Бүгүн, муус устар 17 күнүгэр, улуус дьаһалтатын мунньахтыыр саалатыгар прокурор Михаил Слепцов,

улуус баһылыгын бастакы солбуйааччы Василий Михайлов,

Ис дьыала министиэристибэтин улуустааҕы салаатын начаалынньыга Василий Пономарев уонна тустаах уорганнар кыттыылаах

Өлүөнэ өрүһү туоруур суоллар сабыллыбыттарынан сибээстээн мууска тахсыыны хонтуруоллуур үлэ тула сүбэ мунньах ыытылынна.

Мунньах хаамыытынан ыытыллыахтаах үлэни былааннаатылар, турар боппуруостары тобуларга быһаарыыны дьүүллэстилэр.

Улуус прокурора Михаил Витальевич нэһилиэнньэ олоҕор куттал үөскээбэтин туһугар, дьон бобуулаах муус суолугар тахсыбаттарын ситиһэргэ хонтуруоллуур, сэрэтэр үлэни күүһүрдэн,

көдьүүстээх үлэ ыытыллара ирдэнэрин, буруйу кэһэн хас киһи административнай эппиэтинэскэ тардыллыбыта аһаҕастык сырдатыллыахтааҕын бэлиэтээн эттэ.

Мэҥэ Хаҥалас улууһун дьаһалтатын пресс-сулууспата