От-мас көҕөрөн, айылҕа чэчирии тыллан, күн уһаан.

От-мас көҕөрөн, айылҕа чэчирии тыллан, күн уһаан, Айыыларбыт сиргэ чугаһаан турар кэмигэр Ураһалаах алааһыгар улууспут Үрүҥ Тунах Ыһыаҕа саха сиэринэн алгыс түһэрииттэн саҕаланна.

Ыраахтан-чугастан тоҕуоруһа мустубут ыалдьыттар Айыыларга кэрэхситэр гына сахалыы таҥас кэтэн, киэргэнэн кэлэннэр Ыһыах ыһыллар туомугар сылы этэҥҥэ тахсар суолталаах алгыска сырыттылар.

Айыы ситимин олохтуур, төлкөнү түстүүр, саргыны салайар, дьолу тосхойор

Ыһыах алгыһын СӨ култууратын туйгуна, ырыаһыт, алгысчыт Виталий Очиров алҕаан ыытан түһүлгэ дьонун-сэргэтин куттарын тутан алгыс маанылаах тылларын анаата.

Сиэр-туом түһүлгэтигэр түспүт алгыс күүһэ саргыны салайсан, үтүөҕэ үөрэтэн, үрдүккэ үүннэрдин!

Алгыс баһа сыаланнын!

Мэҥэ Хаҥалас улууһун дьаһалтатын пресс-сулууспата