От ыйын 30 күнүгэр Майа сэлиэнньэтигэр #заНАСзаПОБЕДУ ыччат десана киэҥ далааһыннаах үлэ ыытта.

От ыйын 30 күнүгэр Майа сэлиэнньэтигэр ыччат десана киэҥ далааһыннаах үлэ ыытта.

Сүүһүнэн ахсааннаах устудьуон ыччат элбэх этэрээттэринэн арахсан, араас үлэ хамсааһыннарын тэрийдилэр. Сэлиэнньэ тупсаҕай көстүүтүн туһугар Майа алааһыгар, Майинскай, Дьоруой Попов, Сыроватскай аатынан уулуссаларга ырааһырдыы үлэтин ыыттылар, "Таптал көлүччэтин" күрүөтүн кырааскалаатылар, тротуарын өрөмүөннээтилэр.

Анал байыаннай эпэрээссийэҕэ кытта сылдьар буойуттар дьиэ кэргэттэригэр үтүө санаанан көмө оҥордулар, оҕуруоттарын сыыс отун ыраастаатылар, тэлгэһэ отун оҕустардылар, күргүөмүнэн дьиэ ханапаакылаатылар.

Устудьуон аймах ис сүрэхтэриттэн кыһаллан, эдэрдии ыраас санааларынан үтүө суобастаахтык үлэлээн, Майа сэлиэнньэтин тас көстүүтүн өссө ордук тупсардылар.

Мэҥэ Хаҥалас улууһун дьаһалтатын пресс-сулууспата

Утвержденные хештеги #ЯкутияВперед