От ыйын 5 күнүгэр Аллараа Бэстээххэ тыа хаһаайыстыбатын исписэлиистэрин уонна тэрилтэлэрин салайааччыларын сүбэ мунньаҕа буолан ааста. Тэрээһини улуус баһылыгын тутуу боппуруостарыгар солбуйааччы Василий Филиппов иилээн-саҕалаан ыытта.

От ыйын 5 күнүгэр Аллараа Бэстээххэ тыа хаһаайыстыбатын исписэлиистэрин уонна тэрилтэлэрин салайааччыларын сүбэ мунньаҕа буолан ааста. Тэрээһини улуус баһылыгын тутуу боппуруостарыгар солбуйааччы Василий Филиппов иилээн-саҕалаан ыытта.

Мунньахха биэс сүрүн боппуруоһу таарыйдылар:

- үлэтэ суох гражданнары тыа хаһаайыстыбатын тэрилтэлэригэр үлэнэн хааччыйыы;

- улуус суолларыгар куттал суох буолуутугар сэрэтии үлэтэ;

- сири үллэрии пуондатын үлэтэ;

- быйылгы дьыллааҕы эбии аһылыгы бэлэмнээһин;

- тыа хаһаайыстыбатынан дьарыктанар тэрилтэлэргэ куратордары анааһын.

Кэпсэтии сүрүннээн от үлэтин тула барда. Ол курдук, үтүө күннэри баттаһа, биригээдэлэри тэрийэн окко ыытар; оҕо-ыччат сайыҥҥы лааҕырдарыгар үлэни күүһүрдэр; суолга-иискэ, мэччирэҥ сирдэргэ айанньыт болҕомтолоох буолууга; от тиэйэр тиэхиньикэҕэ анал ирдэбиллэр; сир үллэриитин пуондатыттан тыа хаһаайыстыбатынан дьарыктаныан баҕалаах дьоҥҥо сири арендаҕа биэрэри тобулар, быйылгы дьылга 44 000 туонна от оттонуохтааҕын, 920 гектарга аһыҥканы эмтээһин оҥоһуллубутун; улуус бөдөҥ хаһаайыстыбаларыгар тэрилтэлэртэн куратордары аныыр туһунан кэпсэтии таҕыста.

Мунньах түмүгүнэн этиилэри истии уонна санаа атастаһыыта буолла.

Мэҥэ Хаҥалас улууһун дьаһалтатын пресс-сулууспата