Сайыммыт куйаас күннэрэ тураннар.

Сайыммыт куйаас күннэрэ тураннар, киһи аймах күргүөмүнэн сөтүө кэмин саҕалаата.

Ол эрэн, хомойуох иһин, өрөспүүбүлүкэбитигэр оҕолор ууга былдьаныылара таҕыстылар.

Маннык быһылааннар тахсыыларын сүрүн төрүөттэринэн сөтүөҕэ анамматах сирдэргэ сөтүөлээһин, арыгы иһэн баран сөтүөлээһин, ууга сылдьыы быраабылаларын кэһии буолаллар.

Ытыктабыллаах улууспут олохтоохторо!

Сөтүө кэмигэр ураты болҕомтолоох буолуу ирдэнэрин санатабыт.

Ону тэҥэ, улууспут үрдүнэн официальнай көҥүллээх пляһынан Хотун Мааччыйа эрэ буоларын биллэрэбит.

 

Иэдээннээх быһылааннар тахсыбаттарын туһугар улуустааҕы ыксаллаах быһыыны-майгыны сэрэтэр, туоратар хамыыһыйа сүбэлэри биэрэр:

- Сөтүөҕэ анамматах көҥүлэ суох сирдэргэ сөтүөлээмэҥ, билбэт уугутугар умсумаҥ;

- Төрөппүттэр эппиэтинэскитин өйдөөн, кыра саастаах оҕолоргутун көрүүтэ-истиитэ суох ууга ыытымаҥ, хараххыт далыттан сүтэримэҥ;

- Ааһан иһэр суудунуларга чугаһаамаҥ;

- Арыгыны иһимэҥ, ууга итирик кииримэҥ.

Сайыҥҥыт этэҥҥэ аастын!

Мэҥэ Хаҥалас улууһун дьаһалтатын пресс-сулууспата