САНААЙА ТӨЛКӨЛӨӨХ ТҮҺҮЛГЭТЭ

САНААЙА ТӨЛКӨЛӨӨХ ТҮҺҮЛГЭТЭ

Бүгүн, ахсынньы 7 күнүгэр, Аллараа Бэстээх Р.И. Брызгалов аатынан Транспортнай техникум уораҕайыгар биир дойдулаахпыт, тумус туттар киһибит - педагогическай наука кандидата, доцена, Арассыыйатааҕы естественнэй наукалар академияларын бочуоттаах профессора Попова Галина Семеновна-Санаайа 75 сааһыгар аналлаах «Тыын. Удьуор тыына. Тыын кут туурата өйдөбүлү уонна текиһи токеоолооһун" Бүтүн Россиятааҕы научнай практическай конференция киэҥ далааһыннаахтык ыытылла турар. Бу туһунан Гавриил Колесов аатынан Олоҥхо Дьиэтин уус-уран салайааччыта Айта Васильева сырдатта.

Конференция үөрүүлээх аһыллыытын Дьабыыл нэһилиэгиттэн эдэр алгысчыт Денис Оконешников алҕаан арыйда, оһуохайдаан биир ситимҥэ киллэрдэ, Г.С.Попова-Санаайа саха күннээҕи олоҕун-дьаһаҕын, үгэһин сыл хаамыытынан сааһылаан, толкуйдаан, торумнаан оҥорбут “Үгэс сыллааҕы эргииринэн” саҥа үүммүт Билгэ ыйбыт сиэрин-туомун оҥордулар.

Нөөрүктээйи нэһилиэгин орто оскуолатын уһуйааччыларын түмсүүтэ, сал: Светлана Пудова. Улуус баһылыгын социальнай уонна имиджевэй бэлиитикэҕэ солбуйааччы Альбина Григорьева Галина Семеновна - Санаайаны үөрүүлээх үбүлүөйүнэн эҕэрдэлээтэ уонна "Мэҥэ Хаҥалас улууһун социальнай-экономическай сайдыытыгар кылаатын иһин" түөскэ кэтиллэр бэлиэни туттарда.

Улуустааҕы култуураҕа уонна духуобунай сайдыыга салалтатын салайааччыта Анна Исакова, Г.Г. Колесов аатынан оройуоннааҕы норуот айымньытын киинэ Олоҥхо дьиэтин уус-уран салайааччыта Айта Васильева эҕэрдэлээтэ уонна "Үйэлээх үгэһи үксэтээччи" Г.Г.Колесов аатынан Олоҥхо Дьиэтин үрүҥ көмүс түөскэ анньыллар бэлиэни кэтэртэ, СӨ Олоҥхо Ассоциацията уопсастыбаннай түмсүү президенэ Февронья Васильевна Шишигина, вице-президент Протодьяконова Елена Николаевна эҕэрдэлээтилэр. Куйаар ситиминэн истиҥ эҕэрдэлэрин М.К. Аммосов аатынан ХИФУ президенэ Евгения Михайлова, М.К. Аммосов аатынан ХИФУ үөрэххэ методикатын үлэтигэр проректора Алексей Голиков ыыттылар, ХИФУ норуоттар тылларын уонна култуураларын үөрэтэр институт дириэктэрин научнай-чинчийэр үлэҕэ солбуйааччыта Матрена Попова эҕэрдэлээтэ уонна СӨ Ил Дарханын укааһынан «Гражданскай килбиэн» түөскэ анньыллар бэлиэтин кэтэртэ. Ону тэҥэ биир дойдулаахтарын аатыттан 1-кы Тыыллыма нэһилиэгэ тыа сирин түөлбэтин баһылыга Руслан Афанасьев эҕэрдэлээтэ, истиҥ сылаас тыллардаах эҕэрдэлэр кэннэ Санаайаҕа ылбаҕай ырыатынан бэлэхтээтэ СӨ култууратын туйгуна, Саха судаарыстыбаннай опера уонна балет театрын солиһа Иннокентий Огочонов.

Научнай-практическай конференция үөрүүлээх арыллыытын кэннэ бука бары кыттааччылар тоҕус хайысхаларынан ийэ тыл, айдарык арыллыытыгар, алаас култууратыгар, итэҕэл тыыныгар, олоҥхо эйгэтигэр уо.д.а ис хоһоонноох тиэмэлэргэ сурукка тиһэн аҕалбыт үлэлэрин сырдатан анаммыт хайысхаларынан тарҕаһан дириҥ хорутуулаах, ырытыылаах үлэ, конференция пленарнай чааһа ыытылынна.

“Мэҥэ Хаҥалас улууһа” МО дьаһалтатын пресс-сулууспата